އައްޑޫ މަސް ފެކްޓަރީގައި ރޯވެއްޖެ

އައްޑޫ ސިޓީގައި ހިންގި މަސް ފެކްޓަރީގައި އަލިފާނުގެ ހާދިސާއެއް ހިނގައިފިއެވެ.

އެމްއެންޑީއެފްގެ އިންފޮމޭޝަން އޮފިސަރު އިބްރާހިމް އާޒިމް ވިދާޅުވީ އައްޑޫ ސިޓީގައި ހިންގި މަސް ފެކްޓަރީގައި އަލިފާނުގެ ހާދިސާއެއް ހިނގައިގެން އުޅޭ ކަމުގެ ރިޕޯޓު ލިބިފައިވަނީ މިއަދު ހަވީރު 5:53 ހާއިރު ކަމަށެވެ.

އެ ހާދިސާގެ ރިޕޯޓު ލިބުމާއެކު އެމްއެންޑީއެފް ސަދަން އޭރިއާ ހިތަދޫ އޭރިޔާ ފަޔާ ސްޓޭޝަންގެ ސިފައިން، އަލިފާން ކޮންޓްރޯލް ކުރުމަށް ހަރަކާތްތެރިވަމުން އަންނަ ކަމަށް ވެސް އާޒިމް ވިދާޅުވިއެވެ.

އެމްއެންޑީއެފް އިން ބުނީ މިރޭ 7:30 ހާއިރު އަލިފާންގަނޑު ނިއްވާލާފައިވާ ކަމަށާއި އެތަނުގައި ހުރި މުދަލަށް ބޮޑެތި ގެއްލުންތަކެއް ވެފައިވާ ކަމަށެވެ.