އަންނަ ދިރާސީ އަހަރުގެ ކިޔެވުން ފެށުމުގެ ކުރިން މާލެ ޖަލު ހުސްކޮށް ގައިދީން ހުޅުމާލެ ޖަލަށް ބަދަލުކުރުމުގެ މަސައްކަތް ކުރަމުން އަންނަ ކަމަށް މޯލްޑިވްސް ކަރެކްޝަނަލް ސާވިސްއިން ބުނެފިއެވެ.
ކަރެކްޝަންސްގެ އިންފޮމޭޝަން އޮފިސަރު އައިމިނަތު ޔުސްރީން "ވަން" އަށް މިއަދު ވިދާޅުވީ، މަސައްކަތް ކުރަމުން އަންނަނީ އަންނަ މަހުގެ ތެރޭގައި މާލެ ޖަލު އެއްކޮށް ހުސްކުރުމަށް ކަމަށެވެ. ދިރާސީ އާ އަހަރު ފެށެނީ އަންނަ ދިހަ ވަނަ ދުވަހުއެވެ.
ހޯމް މިނިސްޓްރީން ކުރިން ބުނެފައިވާ ގޮތުގައި، މާލޭ ޖަލުގެ ގައިދީން ހުޅުމާލޭ ޖަލަށް ބަދަލުކުރުމަށްޓަކައި އެ ޖަލުގައި އިތުރު 400 ވަރަކަށް ޖާގަ އިތުރުކުރާނެއެވެ.
މާލޭ ޖަލުގައި އާއްމުކޮށް ތިބެނީ ޝަރީއަތް ނިމެންދެން ބަންދުކޮށްފައި ތިބޭ މީހުންނާއި ހުކުމްކޮށްފައިވާ ގައިދީންނެވެ. އެ ޖަލަކީ ޓްރާންސިޓް ޖަލެއްގެ ގޮތެއްގައި ބޭނުންކުރާ ޖަލެކެވެ. ހުޅުމާލޭ ޖަލުގައި އާއްމު ގޮތެއްގައި ތިބެނީ އުމުރުން ދުވަސްވީ ގައިދީންނެވެ.
މާލެ ޖަލު ހުސްކުރަނީ، އެ ޖަލާ އިންވެގެން ދަރުމަވަންތަ ސްކޫލު އިމާރާތް ކުރުމާ ގުޅިގެންނެވެ.
ރޯދަ 28، އެސްޓީއޯ ރޯދަ ބާޒާރު: ދިވެހި ކަރާ މަދުވެ އަގު އުފުލިއްޖެ
ހެޔޮ އަމަލުތައް ކުރުން މަތީ ދެމިތިބެން ޖެހޭ، ކުރެވުނު އަމަލަކުން ސުވަރުގެ ޔަގީންވީކަމަށް ދެކިގެން ނުވާނެ: ހުތުބާ
ރައީސްގެ ނިންމެވުމާ އެއްގޮތަށް މަތީ ތައުލީމަށް ދޫކުރާ ލޯނުތަކުގެ އިދާރީ ފީ ކަނޑާލައިފި
ފަގީރުންގެ ދަފްތަރުގައި ހިމެނޭ އެންމެންނަށް އެއް ހަމައަކުން ޒަކާތް ބަހަނީ، ކޮންމެ މީހަކަށް 4500 ރުފިޔާ
