ވޯޓު ކަރުދާހުގައި ކުރަހައިފިނަމަ، ވޯޓު ބާތިލްވާ ބިލް ދިރާސާކުރުމަށް ކޮމިޓީއަކަށް ފޮނުވައިފި
އިބްރާހިމް ޒަކީ
އިންތިހާބު ތަކުގައި ވޯޓް ލުމަށް ބޭނުންކުރާ ވޯޓް ކަރުދާހުގައި ޖަހަން ޖެހޭ ފާހަގައިގެ އިތުރުން އެހެން އެއްވެސް ކުރެހުމެއް ކުރަހައި، ލިޔެ ހަދައިފިނަމަ އެ ވޯޓެއް ބާތިލްވާގޮތަށް އިންތިހާބާބެހޭ ޤާނޫނަށް ހުށަހަޅާފައިވާ އިސްލާހުގެ ބިލް ރައްޔިތުންގެ މަޖިލީހަށް ބަލައިގަނެ އިތުރަށް ދިރާސާކުރުމަށް ވަގުތީ ކޮމިޓީއަކަށް ފޮނުވައިފި އެވެ.
ރައްްޔިތުންގެ މަޖިލީހުގެ މިއަދުގެ ޖަލްސާގައި އިންތިހާބުތަކާބެހޭ އާންމު ގާނޫނަށް ޕީޕީއެމްގެ ފަރާތުން، ހުޅުދޫ ދާއިރާގެ މެމްބަރު މުހައްމަދު ޝާހިދު ހުށަހެޅުއްވި އެބިލް މަޖިލީހަށް ބަލައިގަންނަން ފާސްކޮށްފައިވަނީ ޖަލްސާގައި އެވަގުތު ތިއްބެވި 70 މެންބަރުންގެ ތެރެއިން 61 މެމްބަރުން ވޯޓު ދެއްވައިގެންނެވެ.
ބިލު ބަލައި ގަތުމަށްފަހު އިތުރަށް ދިރާސާކުރުމަށް ފަސް މެންބަރުންގެ ވަގުތީ ކޮމިޓީއަކަށް ވަނީ ފޮނުވައިފައެވެ.
ވަގުތީ ކޮމެޓީގައި ހިމެނި ވަޑައިގަންނަވާ މެންބަރު:
- ދަނގެތި ދާއިރާގެ މެމްބަރު އިލްހާމު އަހުމަދު
- ކެލާ ދާއިރާގެ މެމްބަރު އަލީ އާރިފް
- ހުޅުދޫ ދާއިރާގެ މެމްބަރު މުހައްމަދު ޝާހިދު
- ކުޑަހުވަދޫ ދާއިރާގެ މެމްބަރު އަހުމަދު އާމިރު
- މަރަދޫ ދާއިރާގެ މެމްބަރު އިބްރާހީމް ޝަރީފް
ރޯދަ 28، އެސްޓީއޯ ރޯދަ ބާޒާރު: ދިވެހި ކަރާ މަދުވެ އަގު އުފުލިއްޖެ
ހެޔޮ އަމަލުތައް ކުރުން މަތީ ދެމިތިބެން ޖެހޭ، ކުރެވުނު އަމަލަކުން ސުވަރުގެ ޔަގީންވީކަމަށް ދެކިގެން ނުވާނެ: ހުތުބާ
ރައީސްގެ ނިންމެވުމާ އެއްގޮތަށް މަތީ ތައުލީމަށް ދޫކުރާ ލޯނުތަކުގެ އިދާރީ ފީ ކަނޑާލައިފި
ފަގީރުންގެ ދަފްތަރުގައި ހިމެނޭ އެންމެންނަށް އެއް ހަމައަކުން ޒަކާތް ބަހަނީ، ކޮންމެ މީހަކަށް 4500 ރުފިޔާ
