ކުޑަ ބިންކޮޅެއްގައި އާ ޓެކްނޮލިޖީ ބޭނުން ކޮށްގެން ޒަމާނީ ދަނޑުވެރިކަން ކުރުމަށް ތަމްރީން ޕްރޮގްރާމް ހިންގުމުގެ ސިޔާސަތުގެ ދަށުން ހައިޑްރޮޕޯނިކްސް ނިޒާމު ގާއިމުކޮށްދިނުމާއި ތަމްރީނު ދިނުމުގެ ޕްރޮގްރާމެއް މިއަހަރު ފެށުމަށް ނިންމައިފި އެވެ.
ހައިޑްރޮޕޯނިކްސް ނިޒާމަކީ ފެނުގައި ދަނޑުވެރިކަން ކުރުމުގެ ނިޒާމެވެ.
މިއަދު ފިޝަރީޒް މިނިސްޓްރީން ކުރި އިއުލާނެއްގައި ބުނެފައިވަނީ އެ ޕްރޮގްރާމް ހިންގަން ބޭނުންވާ ރަށްރަށުން އެކަމަށް އެދި ހުށަހަޅާނީ އެރަށެއްގެ ރަށު ކައުންސިލުން ކަމަށެވެ.
އަދި އެ ނިޒާމު ގާއިމުކޮށްދޭނީ އެކަމަށް އެދި ކައުންސިލުން ކަނޑައަޅާ 10 ފަރާތެއްގެ ބިމުގައި ކަމަށް މިނިސްޓްރީން ބުންޏެވެ.
މިނިސްޓްރީގެ އިއުލާނުގައި އެ ހިންގާނެ ރަށެއް ކަނޑައެޅުމުގައި ބަލާނެ ކަންތައްތައް ވަނީ ހިމަނާފައެވެ. އެއީ:
- ހައްދާ ތަކެތި ގަތުމަށް ތައްޔާރަށް ތިބި ގެސްޓްހައުސްތައް ފަދަ ތަންތަން ހުރި ރަށަކަށްވުން
- އުފައްދާ ތަކެތި ގަތުމަށް އެކަށީގެންވާ ވަރުގެ އާބާދީއެއް އޮތް ރަށަކަށްވުން
- އުފައްދާ ތަކެތި އެކަށީގެންވާ އަގެއްގައި ވިއްކޭނެ ކަމުގެ ޔަޤީންކަން ލިބިދީފައިވާ މިންވަރު
- މަސައްކަތް ދެމެހެއްޓެނިވި ގޮތެއްގައި ކުރިއަށް ގެންދިއުމަށް ކައުންސިލުން ރާވާފައިވާ ގޮތް
- ދަނޑުބިން ނިސްބަތުން ކުޑަ، ގޯތި ތެރެއިން މިމަސައްކަތަށް ޖާގަ ލިބޭނެ ރަށްރަށަށް އިސްކަން ދެވޭނެ
ރޯދަ 28، އެސްޓީއޯ ރޯދަ ބާޒާރު: ދިވެހި ކަރާ މަދުވެ އަގު އުފުލިއްޖެ
ހެޔޮ އަމަލުތައް ކުރުން މަތީ ދެމިތިބެން ޖެހޭ، ކުރެވުނު އަމަލަކުން ސުވަރުގެ ޔަގީންވީކަމަށް ދެކިގެން ނުވާނެ: ހުތުބާ
ރައީސްގެ ނިންމެވުމާ އެއްގޮތަށް މަތީ ތައުލީމަށް ދޫކުރާ ލޯނުތަކުގެ އިދާރީ ފީ ކަނޑާލައިފި
ފަގީރުންގެ ދަފްތަރުގައި ހިމެނޭ އެންމެންނަށް އެއް ހަމައަކުން ޒަކާތް ބަހަނީ، ކޮންމެ މީހަކަށް 4500 ރުފިޔާ
