ވެރިކަން ކުރާ މައި ޕާޓީ، އެމްޑީޕީގެ ޗެއާޕާސަން ކަމުގެ އިންތިހާބާއި، އަންހެނުންގެ ރޫހުގެ ރައީސް ކަމުގެ އިންތިހާބާއި، ޒުވާނުންގެ ހިތްވަރުގެ ރައީސް ކަމުގެ އިންތިހާބުގެ ވަގުތީ ނަތީޖާ މިއަދު އިއުލާންކޮށްފިއެވެ.
މިދިޔަ ހޮނިހިރު ދުވަހު ބޭއްވި މި އިންތިހާބުގެ ނަތީޖާއިން ދައްކާގޮތުގައި، ކުރިންވެސް އޮތް ގޮތަށް، ބޮޑު ތަފާތަކުން ރައްޔިތުންގެ މަޖިލީހުގެ މާފަންނު އުތުރު ދާއިރާގެ މެމްބަރު އިމްތިޔާޒު ފަހުމީ ބަލިކުރައްވައި ޗެއާޕާސަންކަމުގެ މަގާމަށް އިންތިހާބުވެފައިވަނީ އިކޮނޮމިކް މިނިސްޓަރު ފައްޔާޒް އިސްމާއީލެވެ.
އެ ޕާޓީގެ އަންހެނުންގެ ރޫހުގެ ރައީސް ކަމުގެ އިންތިހާބު ކާމިޔާބުކުރައްވާފައިވަނީ، ރައްޔިތުންގެ މަޖިލީހުގެ އައްޑޫ މީދޫ ދާއިރާގެ މެމްބަރު ރޮޒައިނާ އާދަމެވެ. އޭނާއާ ވާދަކޮށްފައިވަނީ، ސަފާތު އަހުމަދު ޒާހިރެވެ. އަދި ޒުވާނުންގެ ހިތްވަރުގެ ރައީސް ކަމުގެ މަގާމުގެ އިންތިހާބު ކާމިޔާބުކޮށްފައިވަނީ، ރިފްގާ ޝިޔާމެވެ.
ޗެއާޕާސަން ކަމުގެ އިންތިހާބުގެ ނަތީޖާ:
- އިމްތިޔާޒް ފަހުމީ: 20،051 ވޯޓު (%41)
- ފައްޔާޒް އިސްމާއީލް: 27،470 ވޯޓު (%57)
- ޖުމުލަ ވޯޓު: 48،502
- ސައްހަ ވޯޓު: 47،521 (%98)
- ބާތިލު ވޯޓު: 981 (%2)
އަންހެނުންގެ ރޫހުގެ ރައީސް ކަމުގެ އިންތިހާބު:
- ރޮޒައިނާ އާދަމް: 11،708 ވޯޓު (%56)
- ސަފާތު އަހްމަދު ޒާހިރު: 7961 ވޯޓު (%38)
- ޖުމުލަ ވޯޓު: 20،856
- ސައްހަ ވޯޓު: 19،669 (%94)
- ބާތިލު ވޯޓު: 1187 (%6)
ޒުވާނުންގެ ހިތްވަރުގެ ރައީސްކަމުގެ އިންތިހާބު:
- މުހައްމަދު އަންސަރު: 5545 ވޯޓު (%42)
- ރިފްގާ ޝިޔާމް: 6322 ވޯޓު (%48)
- ޖުމުލަ ވޯޓު: 13،126
- ސައްހަ ވޯޓު: 11،867 (%90)
- ބާތިލު ވޯޓު: 1259 (%10)
އެމްޑީޕީން ބުނީ، މިއަދުން ފެށިގެން ހަތް ދުވަހުގެ ތެރޭގައި ޕާޓީގެ ޗެއާޕާސަންކަމާ ފައްޔާޒް ހަވާލުވެވަޑައިގަންނަވާނެ ކަމަށެވެ.
ރޯދަ 28، އެސްޓީއޯ ރޯދަ ބާޒާރު: ދިވެހި ކަރާ މަދުވެ އަގު އުފުލިއްޖެ
ހެޔޮ އަމަލުތައް ކުރުން މަތީ ދެމިތިބެން ޖެހޭ، ކުރެވުނު އަމަލަކުން ސުވަރުގެ ޔަގީންވީކަމަށް ދެކިގެން ނުވާނެ: ހުތުބާ
ރައީސްގެ ނިންމެވުމާ އެއްގޮތަށް މަތީ ތައުލީމަށް ދޫކުރާ ލޯނުތަކުގެ އިދާރީ ފީ ކަނޑާލައިފި
ފަގީރުންގެ ދަފްތަރުގައި ހިމެނޭ އެންމެންނަށް އެއް ހަމައަކުން ޒަކާތް ބަހަނީ، ކޮންމެ މީހަކަށް 4500 ރުފިޔާ
