ޚަބަރު

ޕްރިންސިޕަލުންގެ މުސާރަ 82 ޕަސެންޓާ ހަމައަށް ބޮޑުކޮށްފި، އެންމެ ކުޑަކޮށްވެސް 30،000 ރުފިޔާ ލިބޭނެ

ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު ވެވަޑައިގެންފައިވާ ވައުދުފުޅާ އެއްގޮތަށް ޕްރިންސިޕަލުންގެ މުސާރަ 82 ޕަސެންޓާ ހަމައަށް މިއަދު ބޮޑުކޮށްފިއެވެ.

ޕްރިންސިޕަލުންނާއި ޓީޗަރުންގެ މުސާރަ މިއަދުން ފެށިގެން ބޮޑު ކުރެއްވިކަން ރައީސް ސޯލިހު މިއަދު އިއުލާން ކުރެއްވުމާއި ގުޅިގެން އެކަމުގެ ތަފުސީލުތައް ދިނުމަށް ރައީސް އޮފީހުގައި މިއަދު ވަނީ ޕްރެސް ކޮންފަރެންސެއް ބާއްވައިފައެވެ.

ޕްރިންސިޕަލުންގެ މުސާރަ ބޮޑުކުރުމުން އައި ބަދަލުތައް:

ރޭންކު 1:
ޕްރިންސިޕަލުންގެ އަދަދު: 127
ކުރިން ލިބޭ މުސާރަ: ޕެންޝަނަށްފަހު 16،214 ރުފިޔާ
މިހާރު ލިބޭ މުސާރަ: ޕެންޝަނަށްފަހު 29،445 ރުފިޔާ
ބޮޑުވި ޕަސެންޓޭޖް: %82

ރޭންކު 2:
ޕްރިންސިޕަލްގެ އަދަދު: 48
ކުރިން ލިބޭ މުސާރަ: ޕެންޝަނަށްފަހު 20،049 ރުފިޔާ
މިހާރު ލިބޭ މުސާރަ: ޕެންޝަނަށްފަހު 31،816 ރުފިޔާ
ބޮޑުވި ޕަސެންޓޭޖް: %59

ރޭންކު ތިނެއްގައި އަދި އެއްވެސް ޕްރިންސިޕަލެއް ނެތެވެ. ނަމަވެސް އެ ރޭންކުގެ މުސާރައެއްގެ ގޮތުގައި ކަނޑައަޅާފައި ވަނީ 35،452 އެވެ. އެއީ ޕެންޝަނަށް ކެނޑުމުގެ ކުރިން ލިބޭނެ މުސާރައެވެ.

ޑެޕިއުޓީ ޕްރިންސިޕަލުންގެ މުސާރަ ބޮޑުކުރުމުން އައި ބަދަލުތައް:

ރޭންކު 1:
އަދަދު: 5
ކުރިން ލިބޭ މުސާރަ: ޕެންޝަނަށްފަހު 12،547 ރުފިޔާ
މިހާރު ލިބޭ މުސާރަ: ޕެންޝަނަށްފަހު 22،273 ރުފިޔާ
ބޮޑުވި ޕަސެންޓޭޖު: %78

ރޭންކު 2:
އަދަދު: 44
ކުރިން ލިބޭ މުސާރަ: ޕެންޝަނަށްފަހު 16،158 ރުފިޔާ
މިހާރު ލިބޭ މުސާރަ: ޕެންޝަނަށްފަހު 24،941 ރުފިޔާ
ބޮޑުވި ޕަސެންޓޭޖު: %54

ޑިޕިއުޓީ ޕްރިންސިޕަލްގެ ކެޓަގަރީގައިވެސް ރޭންކު ތިނެއްގައި އަދި އެއްވެސް މީހަކު ނުހިމެނެއެވެ. ނަމަވެސް އެ ރޭންކުގެ މުސާރައިގެ ގޮތުގައި ކަނޑައަޅާފައިވަނީ 27،590 ރުފިޔާއެވެ. އެއީ ޕެންޝަނަށް ކެނޑުމުގެ ކުރިން ލިބޭނެ މުސާރައެވެ.