ޚަބަރު

ރޯދަ 05 ބާޒާރު އަގުތައް: ބަންގާޅު މިރުސް ކިލޯއެއް 150ރ އަށް. ކަރާ ކިލޯއެއް 20ރ އަށް ވެއްޓިއްޖެ

މުހައްމަދު ޖަމްޝަތް ވަހީދު

ރޯދަ މަހުގެ ފަސްވަނަ ދުވަހާ ބައްދަލުކުރި އިރު، މާރުކޭޓުގައި ތަކެތީގެ އަގު މަޑުމަޑުން ދަށަށްދާން ވަނީ ފަށައިފައެވެ. ނަމަވެސް އަދިވެސް ބައެއް ބާވަތުގެ އަގުތައް ހުރީ އެއްވަރެއްގައި ހިފެހެއްޓިފައެވެ.

ރޯދައަށް އަބަދުވެސް އެންމެ ޑިމާންޑު އޮންނަ މިރުހުގެ އަގުތައް މިއަދު އުޅެނީ 650ރ އިން ދަށުގައެވެ. ލ. މިރުސް ކިލޯއެއް 600-650ރ އަށް ލިބެން ހުރި އިރު، އެވްރެޖްކޮށް ކަނޑޫދޫ މިރުސް ކިލޯއެއްވެސް ލިބެނީ 650ރ އަށެވެ. އަދި ތަންކޮޅެއް ސައިޒު ކުޑަ ކަނޑޫދޫ މިރުސް، ކިލޯއެއް 400ރ އަށާއި 580ރ އަށްވެސް ވިއްކާ ގޮޅިއެއް އެބަހުއްޓެވެ. ބާޒާރަށް މިއަދު ވަނީ ބަންގަލަދޭޝް މިރުސް ގެނެސްފައެވެ. ސައިޒުން ކުދިކޮށް ހުންނަ އެ މިރުސް ވިއްކަނީ ކިލޯއެއް 150ރ އަށެވެ.

މިރުހުގެ އަގުތަކަށް އަންނަ ބަދަލުތަކާއި ބާޒާރުމަތީގެ ކަންތައްތައް ދިރާސާކޮށްލުމުން މިރުސް ގަންނަން ބާޒާރަށް ދާން އެންމެ ރަނގަޅު ވަގުތަކީ މެންދުރު ފަހެވެ. ހަވީރުވާން ކައިރިވަމުންދާ ވަރަކަށް މާރުކޭޓުގައި ހުރިހާ ވައްތަރެއްގެ މިރުހުގެ އަގުވެސް ބޮޑުތަނުން ކުޑަ ކުރެއެވެ. ގާތްގަނޑަކަށް ކިލޯއަކުން 200ރ ވަރު އަގުހެޔޮވާނެއެވެ.

ތަކެތީގެ އަގުތައް ދަށަށްދާން ފަށާފައިވާ އިރު، ތޮއްޑޫ ކަރާގެ އަގުވެސް މިއަދު ބާޒާރުގައި ދަށެވެ. މާރުކޭޓުގެ ގޮޅިއަކުން ތޮއްޑޫ ކަރާ ކިލޯއެއް 20ރ އަށް ވިއްކަމުންދާ އިރު، ބައެއް ގޮޅިތަކުން 22-24ރ އަށްވެސް ކަރާ ލިބެން އެބަހުއްޓެވެ. އަދި ބައެއް ގޮޅިތަކުން ކުރީގެ އަގު، ކިލޯއެއް 25ރ އަށްވެސް ވިއްކަމުން އެބަދެއެވ

ލުނބޯގެ އަގަށް ބަލައި އިރު، ބާޒާރުގައި ލުނބޯގެ އަގަކަށް އަދިވެސް ބަދަލެއް ނާދެއެވެ. މާރުކޭޓު ގޮޅިތަކުން މިއަދު ލުނބޯ ކިލޯއެއް ވިއްކަމުން ދަނީ 90-100ރ އަށެވެ. ނަމަވެސް ގިނަ ގޮޅިތަކުން އެންމެ ތާޒާ ލުނބޯ ވިއްކަން ހުރީ ކިލޯއެއް 120ރ އަށެވެ. ވިޔަފާރިވެރިން ބުނާގޮތުން ލުނބޯ އަދިވެސް ލިބުން ދައްޗެވެ. އަދި ބޮޑު ޑިމާންޑެއް އޮންނައިރު، ސަޕްލައި ދަށްވެ، އިމްޕޯޓްކުރަން ކުރަންޖެހޭ ހަރަދު ބޮޑުވުމުން ލުނބޯގެ އަގު ދަށް ނުވަނީއެވެ.

ފަނިގިރާ ބާވަތްތަކުގެ އަގުތައް:

އަލަނާސި ކަރާ: 35ރ އަށް ކިލޯއެއް
ރޮކް މެލަން: 70-75ރ އަށް ކިލޯއެއް
އިޖިޕްޓް ފޭރު: 100-150ރ އަށް ކިލޯއެއް
ލަންކާ އަދި ބަންގްލަދޭޝް ފޭރު: 85-90ރ އަށް ކިލޯއެއް
ކުރުނބައެއް: 50-40ރ އަށް
ޖުމްހޫރީމޭވާ: 80-100ރ އަށް ކިލޯއެއް

ފަތްޕިލާވެލީގެ ބާވަތްތަކާއި ކާށި ލިބެންހުރި އަގުތައް:

ކޮޕީފަތް: 10ރ އަށް ބޮނޑިއެއް
ކަންކުން: 5ރ އަށް ބޮނޑިއެއް
ކުއްޅަފިލާފަތް: 10ރ އަށް ބޮނޑިއެއް
ހިކަނދިފަތް: 10ރ އަށް ބޮނޑިއެއް
ރާނބާފަތެއް: 5ރ އަށް
ސައިޒު ބޮޑު ކާއްޓެއް: 10ރ. އަށް
ކުޑަ ސައިޒުގެ ކާއްޓެއް: 5ރ އަށް
ދިވެހި އަނބު: 120-150ރ. އަށް ކިލޯއެއް

ތަރުކާރީގެ ބާވަތްތަކުގެ އަގުތައް:

ފިޔާ: 15ރ އަށް ކިލޯއެއް
އަލުވި: 15ރ އަށް ކިލޯއެއް
ލޮނުމެދު: 40 ރ. އަށް ކިލޯއެއް
ކިއުކަމްބާ: 30ރ އަށް ކިލޯއެއް
ބަށި: 60ރ އަށް ކިލޯއެއް
ޓޮމާޓޯ: 30-65ރ އަށް ކިލޯއެއް
ބީންސް: 70ރ އަށް ކިލޯއެއް
ބަޓާނާ: 35ރ އަށް ކިލޯއެއް
ލެޓިއުސް: 60ރ އަށް ކިލޯއެއް
އަލަ: 80ރ އަށް ކިލޯއެއް
ކައްޓަލަ: 35ރ އަށް ކިލޯއެއް
ބަނބުކެޔޮ: 150ރ އަށް ކިލޯއެއް

މަސް މާރުކޭޓުގެ އަގުތައް:

ކަންނެލި: 35-60ރ އަށް ކިލޯއެއް
ކަނޑުމަސް: 40-30ރ. އަށް ކިލޯއެއް
ކުދި ގިނިމަސް، ފިލޮޅު، ރަތްމަސް: 50ރ
މުށިމަސް: 20ރ އަށް ފަސް މަސް
ދޮންމަސް: 20ރ އަށް ފަސް މަސް