ރައީސް ޔާމީން ކުއްލި ގޮތަކަށް އައިޖީއެމްއެޗަށް ގެނެސް ހިތުގެ ޑިޕާޓްމަންޓްގައި ފަރުވާދެނީ

އެމްއެމްޕީއާރްސީގެ ޚިޔާނާތުގެ މައްސަލައިގައި، ކްރިމިނަލް ކޯޓުގެ ހުކުމަކާ ގުޅިގެން ޝަރީއަތް ނިމެންދެން ޖަލުގައި ބަންދުކުރައްވާފައި ހުންނެވި، ކުރީގެ ރައީސް އަބުދުﷲ ޔާމީން އަބުދުލް ގައްޔޫމު ކުއްލި ގޮތަކަށް ޑޮކްޓަރަށް ދެއްކުމަށް ޓަކައި އައިޖީއެމްއެޗަށް ގެނެސް ހިތުގެ ބަލީގެ ޑިޕާޓްމެންޓުގައި ފަރުވާދޭން ފަށައިފި އެވެ.

"ވަން އޮންލައިން"އަށް މައުލޫމާތު ލިބިފައިވާ ގޮތުގައި ރައީސް ޔާމީން މާލެއަށް ގެނައީ އެމަނިކުފާނު ގެންނަނީ ހޮސްޕިޓަލަށް ގެންދަން ކަމުގެ މައުލޫމާތު ދިނުމަކާނުލަ އެވެ. އަދި އެމަނިކުފާނު މާލެއަށް ގެނެސްފައި ވަނީ އެމަނިކުފާނު އެކަމަށް އެދިވަޑައިގެން ނޫން ކަމަށް އެނގިފައިވެ އެވެ.

އެހެން ނަމަވެސް މާލެ ގެނައުމަށް ފަހު، އެއީ ރޫޓިން މެޑިކަލް ޗެކަޕަކަށަ ގެނައި ގެނައުމެއް ކަމަށް އެންގި ކަމަށް ވެސް މައުލޫމާތު ލިބިފައިވެ އެވެ.

ރައީސް ޔާމީންގެ ލޯޔަރުންގެ ޓީމުން ދާދި ދެންމެ "ވަން އޮންލައިން"އަށް ވިދާޅުވީ، އެމަނިކުފާނު މާލެ ގެންނަކަން ލޯޔަރުންނަށް އަންގާފައި ނުވާ ކަމަށެވެ.

"ލޯޔަރުންނަކަށް ނާންގާ. އަޅުގަނޑުމެނަށް އެނގުނީ މެޑަމް ފާތުމަތު އިބްރާހީމްގެ ފަަރާތުން. އެބޭފުޅުން އެންގެވީ މެޑަމް އަށް. ބައިގަޑިއިރު ތެރޭ ގެންނަކަން އެނގުނީ." ގާނޫނީ ޓީމުން ވަން އޮންލައިން އަށް ވިދާޅުވި އެވެ.

އިތުރު ތަފްސީލް އަންނަނީ......