މި އަހަރުގެ ޖެނުއަރީން ފެށިގެން ފާއިތުވި ހަފުތާއާ ހަމަޔަށް މޯލްޑިވްސް އިންލެންޑް އޮތޯރިޓީ (މީރާ) އަށް 2.4 ބިލިއަން ރުފިޔާގެ އާމްދަނީއެއް ލިބިފައިވާ ކަމަށް އެ އޮތޯރިޓީން ހާމަކޮށްފިއެވެ.
މީރާއިން އާއްމުކުރި ވީކްލީ ރެވެނިއު ތަފާސް ހިސާބުތައް ދައްކާ ގޮތުން މިއަހަރުގެ ޖެނުއަރީ 2 ވަނަ ދުވަހުން ފެށިގެން ފެބްރުއަރީ 5ވަނަ ދުވަހާ ހަމަޔަށް މީރާއަށް ލިބުނު އާމްދަނީ 2،360،957،702ރ. އަށް އަރައެވެ. ޖެނުއަރީ މަހު އެކަނިވެސް މީރާއަށް 1.5 ބިލިއަން ރުފިޔާގެ އާމްދަނީއެއް ލިބިފައިވާ އިރު މި މަހުގެ ފުރަތަމަ ހަފްތާގައި ވެސް 833 މިލިއަން ރުފިޔާގެ އާމްދަނީއެއް އެ އޮތޯރިޓީއަށް ލިބުނެވެ.
މި މުއްދަތުގައި މީރާއަށް އެންމެ ބޮޑު އާމްދަނީއެއް ލިބިފައިވަނީ ޓޫރިޒަމް ޖީއެސްޓީންނެވެ. ޓީ ޖީއެސްޓީގެ ގޮތުގައި 781 މިލިއަން ރުފިޔާ ލިބިފައިވާއިރު ދެވަނައަށް އެންމެ ގިނަ އާމްދަނީ އެއް ލިބުނުކަމަށް ރެކޯޑްކުރެވިފައި ވަނީ އެހެނިހެން ޓެކްސް އާއި ފީ ގެ ގޮތުގައި މީރާއަށް ބަލައިގެންފައިވާ ފައިސާއެެވެ.
- 2 ޖެނުއަރީ އިން 5 ފެބްރުއަރީ އަށް މީރާއަށް ލިބުނު އާމްދަނީގެ ތަފުސީލު:
- ވިޔަފާރި ފައިދާ ޓެކްސް/ ކޯޕަރޭޓް އިންކަމް ޓެކްސް: 384،511،717ރ
- ނޮން ރެސިޑެންޓް ވިތްހޯލްޑިން ޓެކްސް: 141،238،180ރ
- ޖީއެސްޓީ (ޓޫރިޒަމް ސެކްޓަރ): 781،349،442ރ
- ޖީއެސްޓީ (ޖެނެރަލް ސެކްޓަރ): 301،313،531ރ
- ގްރީން ޓެކްސް: 98،975،335ރ
- އެއާޕޯޓް ސާވިސް ޗާޖް: 9،497،920ރ
- އެއާޕޯޓް ޑިވެލޮޕްމަންޓް ފީ: 9،321،741ރ
- ޓޫރިޒަމް ލޭންޑް ރެންޓް ފީ: 82،452،536ރ
- އެހެނިހެން ޓެކްސް އާއި ފީ: 580،330،138ރ
މީރާއިން ހާމަކޮށްފައިވާ ތަފާސް ހިސާބުތައް ދައްކާ ގޮތުން ފާއިތުވި އަހަރުގެ ޖުމުލަ އާމްދަނީގެ ގޮތުގައި 15.7 ބިލިއަން ރުފިޔާ އެ އޮތޯރިޓީއަށް ވަނީ ލިބިފައެވެ.
ރޯދަ 28، އެސްޓީއޯ ރޯދަ ބާޒާރު: ދިވެހި ކަރާ މަދުވެ އަގު އުފުލިއްޖެ
ހެޔޮ އަމަލުތައް ކުރުން މަތީ ދެމިތިބެން ޖެހޭ، ކުރެވުނު އަމަލަކުން ސުވަރުގެ ޔަގީންވީކަމަށް ދެކިގެން ނުވާނެ: ހުތުބާ
ރައީސްގެ ނިންމެވުމާ އެއްގޮތަށް މަތީ ތައުލީމަށް ދޫކުރާ ލޯނުތަކުގެ އިދާރީ ފީ ކަނޑާލައިފި
ފަގީރުންގެ ދަފްތަރުގައި ހިމެނޭ އެންމެންނަށް އެއް ހަމައަކުން ޒަކާތް ބަހަނީ، ކޮންމެ މީހަކަށް 4500 ރުފިޔާ
