އައްޑޫ ސިޓީ ފޭދޫގެ މިސްކިތަކަށް ބޮޑުކަމު ގޮސް، މިސްކިތުގެ ހުރުމަތް ކެނޑި މައްސަލައިގައި ހައްޔަރުކުރި މީހާއަކީ ނަފުސާނީ ބަލީގެ މީހެއް ކަމަށް ޑޮކްޓަރުން ލަފާދީފައިވާތީ އޭނާ ބަންދުން ދޫކޮށްލައިފިއެވެ.
ފޭދޫގެ މަސްޖިދުލް އަމާނީއާއި މަސްޖިދުލް ނަސްރީއަށް ގެއްލުންތަކެއް ދިން މައްސަލަ ފުލުހުންނަށް ރިޕޯޓްކޮށްފައިވަނީ މިދިޔަ ބުރާސްފަތި ދުވަހުގެ ފަތިހުގެ ވަގުތެއްގައެވެ. އެމީހާ ވަނީ މަސްޖިދުލް އަމާނީގެ ތެރެއަށް ބޮޑުކަމު ގޮސް، މަސްޖިދުލް ނަސްރީއަށް ފައިވާނާއެކު ވަދެ ހަތިމުތައް ބިންމައްޗަށް އުކާލައިފައެވެ.
ފުލުހުން ބުނީ، އެ މައްސަލައިގައި އެ އިދާރާގެ ބެލުމުގެ ދަށަށް ގެންދިޔަ 47 އަހަރުގެ މީހާގެ ހާލަތު ދެނެގަތުމަށް އޭނާ ޑޮކްޓަރަށް ދައްކާފައިވާ ކަމަށާއި އެމީހާއަކީ ނަފުސާނީ ބަލީގެ މީހެއް ކަމުން އެމީހާ ބަންދުގައި ބަހައްޓައިގެން އިތުރު ގެއްލުންތަކެއް އޭނާއަށް ލިބިދާނެ ކަމަށް ޑޮކްޓަރުން އިރުޝާދު ދީފައިވާ ކަމަށެވެ.
އެހެންވެ، އެމީހާ ރަނގަޅަށް ބެލެހެއްޓުމަށް އާއިލާއަށް ނަސޭހަތްތެރިވެ، ބަންދުން ދޫކޮށްލާފައިވާ ކަމަށް ފުލުހުން ބުންޏެވެ.
މިސްކިތުގެ ހުރުމަތް ކެނޑުމުގެ މައްސަލަތައް މިފަހަކަށް އައިސް އިތުރުވެފައިވާ އިރު، މިފަހުން މާލޭގެ ހުކުރު މިސްކިތަށާއި އިސްލާމީ މަރުކަޒަށް ވަދެ، މީހަކު ވަނީ ކުޑަކަމުގޮސްފައެވެ. އަދި އެކަން ކުރި މީހާ އެއް މަހާއި 19 ދުވަހަށް ޖަލަށް ލާން ދާދި ފަހުން ކްރިމިނަލް ކޯޓުން ހުކުމްކޮށްފައެވެ.
ރޯދަ 28، އެސްޓީއޯ ރޯދަ ބާޒާރު: ދިވެހި ކަރާ މަދުވެ އަގު އުފުލިއްޖެ
ހެޔޮ އަމަލުތައް ކުރުން މަތީ ދެމިތިބެން ޖެހޭ، ކުރެވުނު އަމަލަކުން ސުވަރުގެ ޔަގީންވީކަމަށް ދެކިގެން ނުވާނެ: ހުތުބާ
ރައީސްގެ ނިންމެވުމާ އެއްގޮތަށް މަތީ ތައުލީމަށް ދޫކުރާ ލޯނުތަކުގެ އިދާރީ ފީ ކަނޑާލައިފި
ފަގީރުންގެ ދަފްތަރުގައި ހިމެނޭ އެންމެންނަށް އެއް ހަމައަކުން ޒަކާތް ބަހަނީ، ކޮންމެ މީހަކަށް 4500 ރުފިޔާ
