ޚަބަރު

މިއަހަރު އެންމެ ގިނަ ފަތުރުވެރިން އައީ މިދިޔަ މަހު

މިއަހަރުގެ މިހާތަނަށް އެންމެ ގިނަ ފަތުރުވެރިން ރާއްޖެ އައީ މިދިޔަ މަހު ކަމަށް ތަފާސް ހިސާބުތަކުން ދައްކައިފިއެވެ.

މޯލްޑިވްސް އިިމިގްރޭޝަނުން އާންމުކޮށްފައިވާ މައުލޫމާތަށް ބަލާ އިރު, މިދިޔަ މަހު 144,725 ފަތުރުވެރިން ރާއްޖެ އައިސްފައިވެ އެވެ. މިއީ މިއަހަރުގެ އޮކްޓޯބަރު މަހާ އަޅައި ބަލާ އިރު 1.9 ޕަސެންޓުގެ އިތުރުވުމެކެވެ. އެ މަހު 142,065 ފަތުރުވެރިން ރާއްޖެ އައިސްފައިވެއެވެ.

މިއަހަރުގެ ކޮންމެ މަހެއްގައި ރާއްޖެ އައި ފަތުރުވެރިންގެ އަދަދު:

ޖެނުއަރީ - 92،103 ފަތުރުވެރިން
ފެބްރުއަރީ - 96،882 ފަތުރުވެރިން
މާޗު - 109،585 ފަތުރުވެރިން
އޭޕްރީލް -91،200 ފަތުރުވެރިން
މެއި - 64،615 ފަތުރުވެރިން
ޖޫން - 56،166 ފަތުރުވެރިން
ޖުލައި - 101،818 ފަތުރުވެރިން
އޮގަސްޓު - 143،599 ފަތުރުވެރިން
ސެޕްޓެމްބަރު - 144،896 ފަތުރުވެރިން
އޮކްޓޯބަރު - 142،066 ފަތުރުވެރިން
ނޮވެމްބަރު - 144،725 ފަތުރުވެެރިން

އިމިގްރޭޝަންގެ ތަފާސް ހިސާބުތައް ދައްކާ ގޮތުން, މިދިޔަ ނޮވެމްބަރު މަހުގެ ތެރޭގައި އެވްރެޖްކޮށް ކޮންމެ ދުވަހަކު 4,824 ފަތުރުވެރިން ރާއްޖެ އައިސްފައިވެއެވެ. އަދި އެއް ދުވަހެއްގައި އެންމެ ގިނަ ފަތުރުވެރިން އައި ދުވަހުވެސް, 5,987 ފަތުރުވެރިން އައެވެ.