ދިރިއުޅުގެ ހާލަތު ބަޔާންކޮށްފައި ނެތީސް އެބަޔަށް ފުލްކޮށް މާކްސްދީފައި އެބަހުރި
ދިރިއުޅުގެ ހާލަތު ބަޔާންކޮށްފައި ނެތީސް އެބަޔަށް ފުލްކޮށް މާކްސްދީފައި އެބަހުރި ކަމަށް ވޭތުވެ ދިޔަ ސަރުކާރުގައި ބޯހިޔާވަހިކަމުގެ ކަންތައް ދިޔަގޮތް ބެލުމަށް ރައީސުލް ޖުމްހޫރިއްޔާ އިބްރާހީމް މުހައްމަދު ސޯލިހު އެކުލަވައިލައްވައިފައިވާ ކޮމިޓީން ބުނެފި އެވެ.
ފްލެޓުތަކުގެ މައްސަލަތައް ބަލާ ކޮމިޓީން މިއަދު ބޭއްވި ނޫސްވެރިންގެ ބައްދަލުވުމުގައި އެ ކޮމިޓީގެ މެންބަރު ފާތިމަތު ރަޝީދާ ވިދާޅުވީ ފްލެޓު ދޭއިރު ދިރިއުޅުމުގެ ހާލަތަށް ބަލައި 60 ޕަސެންޓް ދިނުމަށް ކަނޑައަޅާފައިވާ ކަމަށެވެ. އެހެންނަމަވެސް ދިރިއުޅުމުގެ ހާލަތު އެއްވެސް ވަރަކަށް ބަޔާން ނުކޮށް ހުރި ބައެއް ފަރާތްތަކަށްވެސް ވަނީ 60 ޕަސެންޓު ފުލްކޮށް ލިބިފައި ކަމަށް ރަޝީދާ ފާހަގަކުރެއްވިއެވެ.
"އަޅުގަނޑުމެންނަކަށް އެއްވެސް ލިޔެކިޔުމަކުންވެސް އެނގޭކަށެއް ނެތް ކިހިނެއް ކަމެއް މި ހާލަތު އެސެސްކުރެވިފައި މިވަނީ،" އޭނާ ވިދާޅުވިއެވެ.
އެ ބައްދަލުވުމުގައި ވާހަކަދައްކަވަމުން ކޮމިޓީގެ މެންބަރު އަހުމަދު ތޮލާލު ވިދާޅުވީ ފޯމުތައް ބެލިއިރު އެންމެ ބޮޑަށް ފާހަގަކުރެވެނީ ފޯމުތައް ތައްޔާރުކޮށްފައިވަނީ އިތުރު ބަޔަކު ފަހުން އެ ފޯމްތައް ބަލާއިރު އެއްޗެއް ނޭނގޭނެ ކަހަލަ ގޮތަކަށް ކަމަށެވެ.
އެގޮތުން މާކްސްތައް އެއްކޮށްލުމުން، މުޅި ޖުމްލަ ލިބެން ޖެހޭ ވަރަށްވުރެ ގިނައިން މާކްސް ލިބިފައިވާ ފޯމެއްވެސް ފެނިފައިވާ ކަމަށް އޭނާ ފާހަގަކުރެއްވި އެވެ.
ރޯދަ 28، އެސްޓީއޯ ރޯދަ ބާޒާރު: ދިވެހި ކަރާ މަދުވެ އަގު އުފުލިއްޖެ
ހެޔޮ އަމަލުތައް ކުރުން މަތީ ދެމިތިބެން ޖެހޭ، ކުރެވުނު އަމަލަކުން ސުވަރުގެ ޔަގީންވީކަމަށް ދެކިގެން ނުވާނެ: ހުތުބާ
ރައީސްގެ ނިންމެވުމާ އެއްގޮތަށް މަތީ ތައުލީމަށް ދޫކުރާ ލޯނުތަކުގެ އިދާރީ ފީ ކަނޑާލައިފި
ފަގީރުންގެ ދަފްތަރުގައި ހިމެނޭ އެންމެންނަށް އެއް ހަމައަކުން ޒަކާތް ބަހަނީ، ކޮންމެ މީހަކަށް 4500 ރުފިޔާ
