ސީއައިޓީއެމް އިން ޝަރުތު ހަމަނުވާ ދަރިވަރުން ވައްދައި، އުސޫލުން ބޭރުން ސަނަދު ދޫކުރާތީ ހުއްދަ ބާތިލުކޮށްފި

ޝަރުތު ހަމަނުވާ ދަރިވަރުން ކޯސްތަކުގައި ބައިވެރިކޮށް، ކަނޑައަޅާފައިވާ އުސޫލުތަކުން ބޭރުން ސަނަދު ދޫކުރާ މައްސަލައިގައި ސެންޓާ ފޯ އިންފޮމޭޝަން ޓެކްނޮލޮޖީ މެނޭޖްމަންޓު (ސީއައިޓީއެމް)ގެ މަތީ ތައުލީމު ހުއްދަތައް ބާތިލުކޮށްފިއެވެ.

މޯލްޑިވްސް ކޮލިފިކޭޝަން އޮތޯރިޓީން މިއަދު ނެރުނު އިއުލާނެއްގައި ބުނީ، ސީއައިޓީއެމްގެ މަތީ ތައުލީމު ޕްރޮގްރާމުތަކުން ގިނަ މައްސަލަތަކެއް ފާހަގަކުރެވިފައިވާ ކަމަށެވެ.

ސީއައިޓީއެމްގެ ޕްރޮގްރާމުތަކުން އެމްކިޔުއޭއަށް ފާހަގަވި މައްސަލަތައް:

ސީއައިޓީއެމްގެ ހުއްދަތައް ހިފަހައްޓައި ބްލެކްލިސްޓް ކުރި ނަމަވެސް މިހާރު ނަގާފައިވާ ބެޗުުތަކުގެ ދަރިވަރުންގެ ކިޔެވުން ކުރިއަށް ގެންދަން އެމްކިޔުއޭގެ ހުއްދަ އެބައޮތެވެ.

އެމްކިޔުއޭގެ އިއުލާނުގައި ބުނީ ލިޔެކިޔުންތައް ފުރިހަމަކުރުމަށް ސީއައިޓީއެމްއަށް އެއް މަސް ދުވަހުގެ މުހުލަތެއް ދީފައިވާ ކަމަށާއި އެ މުއްދަތުގައި ލިޔެކިޔުންތައް ހުށަނާޅައިފިނަމަ އެ މަރުކަޒުގެ ރަޖިސްޓްރީއާ މެދު ފިޔަވަޅު އަޅަން ހަޔާ އެޑިޔުކޭޝަން މިނިސްޓްރީއަށް ހުށަހަޅާނެ ކަމަށެވެ.