ރައްޔިތުންގެ މަޖިލީހުގެ ރައީސް އަދި ކުރީގެ ރައީސް މުހައްމަދު ނަޝީދު މިއަދު ރާއްޖެ ވަޑައިގަންނަވަން ނިންމަވާފައިވާ ކަން "ވަން" އަށް ކަށަވަރުވެއްޖެއެވެ.
އެމްޑީޕީގެ އިސް އޮފިޝަލަކު "ވަން" އަށް މިއަދު ކަށަވަރު ކޮށްދިން ގޮތުގައި، ރައީސް ނަޝީދު ރާއްޖެ ވަޑައިގަންނަވާނީ މެންދުރުފަހު ދުބާއީ މަގުން އެމިރޭޓްސްގެ ފްލައިޓެއްގައެވެ. އިނގިރޭސި ވިލާތުން އެމަނިކުފާނު ދުބާއީއަށް ވަޑައިގަތީ އެގައުމުގައި ކުރިއަށްދާ ދުބާއީ އެކްސްޕޯގައި ބައިވެރިވެ ވަޑައިގަތުމަށެވެ.
ރައީސް ނަޝީދު އެނބުރި ރާއްޖެ ވަޑައިގެންނެވި ނަމަވެސް، ރާއްޖޭގައި ހޭދަކުރައްވަނީ ކިހާ ދުވަހެއް ކަމެއް ނުވަތަ އަލުން ރާއްޖެއިން ބޭރަށް ވަޑައިގަންނަވާނެ ކަމެއް އަދި ޔަގީނެއް ނޫނެވެ.
ރައީސް ނަޝީދު ރާއްޖެ މި ވަޑައިގަންނަވަނީ އެމަނިކުފާނު އަވަހާރަކޮށްލަން މިއަހަރުގެ މެއި މަހު ދިން ބޮމުގެ ހަމަލާގައި ލިބިވަޑައިގެން ޒަހަމްތަކަށް ފަރުވާ ހޯއްދެއްވުމަށް މެއި މަހުގެ 13 ވަނަ ދުވަހު ރާއްޖެ ރާއްޖެ ދޫކޮށް ވަޑައިގެންނެވިތާ ފަސް މަސް ފަހުންނެވެ.
އެމަނިކުފާނު ވަނީ ޖަރުމަނާއި އިނގިރޭސި ވިލާތުންވެސް ފަރުވާ ހޯއްދަވައިފައެވެ. އަދި ރައީސް ނަޝީދު ހާލު މިހާރު ރަނގަޅު ކަމަށް އާއިލާ އިން ބުނެއެވެ.
ރޯދަ 28، އެސްޓީއޯ ރޯދަ ބާޒާރު: ދިވެހި ކަރާ މަދުވެ އަގު އުފުލިއްޖެ
ހެޔޮ އަމަލުތައް ކުރުން މަތީ ދެމިތިބެން ޖެހޭ، ކުރެވުނު އަމަލަކުން ސުވަރުގެ ޔަގީންވީކަމަށް ދެކިގެން ނުވާނެ: ހުތުބާ
ރައީސްގެ ނިންމެވުމާ އެއްގޮތަށް މަތީ ތައުލީމަށް ދޫކުރާ ލޯނުތަކުގެ އިދާރީ ފީ ކަނޑާލައިފި
ފަގީރުންގެ ދަފްތަރުގައި ހިމެނޭ އެންމެންނަށް އެއް ހަމައަކުން ޒަކާތް ބަހަނީ، ކޮންމެ މީހަކަށް 4500 ރުފިޔާ
