މިއަހަރުގެ ރެހެންދި އެވޯޑު ހަތް ބޭފުޅަކާއި ފޮނަދޫ އަންހެނުންގެ ތަރައްގީއަށް މަސައްކަތް ކުރާ ކޮމިޓީއަށް
އަލީ ޔާމިން
މިއަހަރުގެ "ރެހެންދި އެވޯޑް" ހަތް ބޭފުޅަކާއި ލ. ފޮނަދޫ އަންހެނުންގެ ތަރައްގީއަށް މަސައްކަތް ކުރާ ކޮމިޓީއަށް ދީފިއެވެ.
ހުޅުމާލޭ ރެހެންދި ސްކޫލުގައި މިރޭ ބޭއްވި އެވޯޑް ދިނުމުގެ ޖަލްސާގައި ވަނީ މިދިޔަ އަހަރު ރެހެންދި އެވޯޑު ލިބުނު ބޭފުޅުންނާއި މިއަހަރު އެ އެވޯޑު ލިބުނު ބޭފުޅުންނަށް އެވޯޑު ދީފައެވެ.
މިދިޔަ އަހަރާ ހިލާފަށް މިއަހަރުގެ ރެހެންދި އެވޯޑް ވަނީ ހަތް ބޭފުޅެއްގެ އިތުރުން ފޮނަދޫ އަންހެނުންގެ ތަރައްގީއަށް މަސައްކަތް ކުރާ ކޮމިޓީއަށްވެސް ދީފައެވެ.
ރެހެންދި އެވޯޑު ލިބުނު ބޭފުޅުންނާއި ފަރާތްތަކަށް އެވޯޑު ހަވާލުކޮށްދެއްވީ ރައިސުލްޖުމްހޫރިއްޔާ އިބްރާހިމް މުހައްމަދު ސޯލިހެވެ.
މިއަހަރުގެ ރެހެންދި އެވޯޑު ލިބުނު ފަރާތްތައް:
- ތައުލީމީ ދާއިރާ - އަހްމީމާ ލުތުފީ، މީނާޒް، ސ. މީދޫ
- ސައިންސް ޓެކްނޯލޮޖީ، އިންޖިނިއަރިން އަދި މެތެމެޓިކްސް ދާއިރާ - އާމިނަތު ޝަހާ ހާޝިމް، މއ. ޕަލްސާގެ
- ސައިންސް ޓެކްނޯލޮޖީ، އިންޖިނިއަރިން އަދި މެތެމެޓިކްސް ދާއިރާ - ޒީނިޔާ އަހުމަދު ހަމީދު، މ. ކުރިނބީލޮޖް
- ހިލޭ ސާބަހަށް މަސައްކަތްކުރުމުގެ ދާއިރާ - ނާދިޔާ އަބްދުލްގަފޫރު، މާވިނަ، ލ. ކުނަހަންދޫ
- ކުޅިވަރު ދާއިރާ - ހައްވާ ރާމިޒާ، އަސޭމިރުސްގެ، ސ. ހިތަދޫ
- އަދާކުރާ ވަޒީފާގެ ގޮތުން އޮފީހަށް ނުވަތަ ދާއިރާއަށް ކޮށްދީފައިވާ ހިދުމަތުގެ ދާއިރާ - ސާޖެންޓް ފަސްޓް ކްލާސް، ނަސްރީނާ ހަސަން، ދަފްތަރު ނަންބަރު، ރސ.2923
- އަންހެނުންގެ ތަރައްގީއަށް މަސައްކަތް ކުރާ ކޮމިޓީތަކުގެ ދާއިރާ - ލ. ފޮނަދޫ އަންހެނުންގެ ތަރައްގީއަށް މަސައްކަތް ކުރާ ކޮމިޓީ
- އާންމު ފަރުދުންގެ ތެރެއިން އަންހެނުންގެ ތަރައްގީއަށް މަސައްކަތްކުރާ ފިރިހެނުންނާއި އަންހެނުންގެ ދާއިރާ - ޝިޔާމާ އަހުމަދު، މ. ކަރޭޖު
ރެހެންދި އެވޯޑަކީ ގައުމީ ހިދުމަތުގައި އެކިއެކި ދާއިރާއިން އަންހެނުން ކުރާ މަސައްކަތްތަކާއި، މުޖުތަމައު ބިނާކުރުމަށް އަންހެނުން އަދާކުރާ ދައުރުގެ އަގު ގައުމީ ފެންވަރެއްގައި ވަޒަން ކުރުމުގެ ގޮތުން އަދި މުޖުތަމައުގައި އަންހެނުންގެ ހައްގުތައް ރައްކާތެރިކޮށް ކުރިއެރުވުމަށް ވަކި ފަރުދުންނާއި ޖަމިއްޔާތަކާއި ޖަމާއަތްތަކުން ކުރަމުން އަންނަ މަސައްކަތްތަކުގެ އަގުވަޒަން ކުރުމުގެ އިތުރުން، ރާއްޖޭގެ ގައުމީ ތަރައްގީއަށާއި އަންހެނުންގެ ކުރިއެރުމަށް އަގުހުރި ހިދުމަތްތައް ކޮށްދީފައިވާ ފަރާތްތަކަށް، ޖެންޑާ މިނިސްޓްރީން ކޮންމެ އަހަރަކު ދެމުން އަންނަ ހާއްސަ އެވޯޑެކެވެ.
މި އެވޯޑު ދޭން ފަށާފައިވަނީ 2014 ވަނަ އަހަރުއެވެ. އަދި އޭގެ ފަހުން ކޮންމެ އަހަރަކު އަންހެނުންގެ ދުވަސް ފާހަގަކުރުމަށް ބާއްވާ ރަސްމީ ޖަލްސާގައި މި އެވޯޑު ދެއެވެ. މިދިޔަ އަހަރު ސަރުކާރުން ވަނީ މި އެވޯޑަށް ކުރިމަތިލުމަށް ފިރިހެނުންނަށްވެސް ފުރުސަތު ލިބޭ ގޮތަށް ކެޓަގަރީއެއް ހިމަނައިފައެވެ.
ރޯދަ 28، އެސްޓީއޯ ރޯދަ ބާޒާރު: ދިވެހި ކަރާ މަދުވެ އަގު އުފުލިއްޖެ
ހެޔޮ އަމަލުތައް ކުރުން މަތީ ދެމިތިބެން ޖެހޭ، ކުރެވުނު އަމަލަކުން ސުވަރުގެ ޔަގީންވީކަމަށް ދެކިގެން ނުވާނެ: ހުތުބާ
ރައީސްގެ ނިންމެވުމާ އެއްގޮތަށް މަތީ ތައުލީމަށް ދޫކުރާ ލޯނުތަކުގެ އިދާރީ ފީ ކަނޑާލައިފި
ފަގީރުންގެ ދަފްތަރުގައި ހިމެނޭ އެންމެންނަށް އެއް ހަމައަކުން ޒަކާތް ބަހަނީ، ކޮންމެ މީހަކަށް 4500 ރުފިޔާ
