ރާއްޖެ ވަޑައިގަތުމަށް އިބޫ ދެއްވި ދައުވަތު އިމްރާން ގަބޫލުފުޅު ކުރައްވައިފި
ރާއްޖެ ވަޑައިގަތުމަށް އިންތިހާބީ ރައީސް އިބްރާހިމް މުހައްމަދު ސޯލިހު (އިބޫ) ދެއްވި ދައުވަތު، ޕާކިސްތާނުގެ ބޮޑުވަޒީރު އިމްރާން ޚާން ގަބޫލުފުޅު ކުރައްވައިފިއެވެ.
ޕާކިސްތާނުގެ ނޫސްތަކުން ބުނާ ގޮތުގައި ނިމިގެންދިޔަ މަހުގެ 23 ވަނަ ދުވަހު ބޭއްވި ރިޔާސީ އިންތިހާބު އިބޫ ކާމިޔާބުކުރެއްވުމާއެކު މަރުހަބާ ދެންނެވުމަށް އިމްރާން ގުޅުއްވުމުން ރާއްޖެ އައުމަށް އިބޫ ދައުވަތު ދެއްވި ކަމަށާއި މިހާރު އިމްރާން އެ ދައުވަތު ގަބޫލުފުޅު ކުރައްވާފައިވާ ކަމަށެވެ.
އިބޫގެ ތަރުޖަމާން މާރިޔާ އަހްމަދު ދީދީ ކުރިން ބޭއްވި ނޫސްވެރިންގެ ބައްދަލުވުމެއްގައި ވިދާޅުވެފައިވަނީ މަރުހަބާ ދެންނެވުމަށް އިމްރާން ގުޅުއްވި ކަމަށާއި ދެ ގައުމުގެ ގުޅުމާ މެދު މަޝްވަރާކޮށްފައިވާ ކަމަށެވެ.
އިމްރާންގެ އިތުރުން ރާއްޖެ ވަޑައިގަތުމަށް އިންޑިއާގެ ބޮޑުވަޒީރު ނަރެންދްރަ މޯދީއަށް ވެސް ދައުވަތު ދެއްވާފައިވާ ކަމަށް ކުރިން އިބޫ ވަނީ ވިދާޅުވެފައެވެ.
ސުޕްރީމް ކޯޓުގެ ފަނޑިޔާރުންގެ އަދަދު ފަހަކަށް މަދުކުރުމުގެ ބިލް ހުށަހަޅައި ބަހުސް ފަށައިފި
ކުރީގެ ފަސްޓްލޭޑީ ފަޒްނާގެ މަންމާފުޅު އަވަހާރަވުމާ ގުޅިގެން ރައީސް ތައުޒިޔާ ވިދާޅުވެއްޖެ
މޫކޭ އާއި ޔާސިރުގެ ގެ ބަލައި ފާސްކޮށް އިލެކްޓްރޯނިކް ސާމާނުތަކެއް ފުލުހުން ގެންގޮސްފި
ސޯލިހާއި ފައްޔާޒަށް ތަހުގީގު ހިންގައި ދައުވާކުރަން އަންގަން ފާސްކުރީ ބިރު ދައްކަން: އެމްޑީޕީ
