އެމް-ފައިސާއަށް ރެޖިސްޓާކޮށް ބޭނުންކުރާ ކަސްޓަމަރުންނަށް ހާއްސަ ހަދިޔާއެއް

އެމް-ފައިސާއަށް ރެޖިސްޓާކޮށް، ހިދުމަތް ބޭނުންކުރާ ކަސްޓަމަރުންނަށް ހާއްސަ ހަދިޔާއެއް ލިބޭ ޕްރޮމޯޝަނެއް އުރީދޫން ފަށައިފިއެވެ.

އުރީދޫން ބުނީ މި ޕްރޮމޯޝަންގެ ދަށުން އެމް-ފައިސާގެ ރެޖިސްޓްރޭޝަން ފުރިހަމަކޮށް 500 ރުފިޔާގެ ކޭޝް-އިން ކުރާ ފަރާތްތަކުގެ އެމް-ފައިސާ ވޮލެޓަށް 50 ރުފިޔާ ޖަމާވެގެންދާނެ ކަމަށެވެ. އަދި އަލަށް ރެޖިސްޓްރޭޝަން ފުރިހަމަކުރާ ފަރާތްތަކުގެ ތެރެއިން އެމް-ފައިސާ މެދުވެރިކޮށް 500 ރުފިޔާއަށް ވުރެ މަތިން ޔުޓިލިޓީ ބިލު ދައްކާ ކަސްޓަމަރުންގެ ވޮލެޓަށް 25 ރުފިޔާ ޖަމާވެގެންދާނެ ކަމަށް އެކުންފުނިން ބުނެއެވެ.

އުރީދޫ އެމް-ފައިސާ އަކީ ކޮންމެ ތަނަކުން، އަދި ކޮންމެ ވަގުތެއްގައިވެސް، ޑިޖިޓަލް ވޮލެޓެއް މެދުވެރިކޮށް ފައިސާ ޖަމާކޮށް، ފައިސާ ނަގައި، އެއް އެކައުންޓުން އަނެއް އެކައުންޓަށް ފައިސާ ފޮނުވައި، ތަފާތު ހިދުމަތްތަކަށް ފައިސާ ދެއްކުމަށް މަގުފަހިކޮށްދޭ ޑިޖިޓަލް ޕޭމަންޓް ސޮލިއުޝަނެކެވެ. މިއީ ކަރަންޓު، ފެން ފަދަ އެންމެ ގިނަ ޔޫޓިލިޓީ ބިލުތަކަށް އެއްތަނަކުން ފައިސާ ދެއްކުމަށް ރާއްޖޭގައި ބޭނުންކުރެވޭ ޑިޖިޓަލް ޕްލެޓްފޯމްއެވެ. މީގެ ތެރޭގައި އުރީދޫ، ސްޓެލްކޯ، އެމްޑަބްލިއުއެސްސީ، މީޑިއާނެޓް، މޯލްޑިވް ގޭސް އަދި ވިލާ ގޭސް ފަދަ ގިނަ ކުންފުނިތައް ހިމެނެއެވެ.

އެމް-ފައިސާ ރެޖިސްޓްރޭޝަން ފުރިހަމަ ކުރުމަށް:

އެމް-ފައިސާ އަށް އަލަށް ބޭނުންކުރާ ކަސްޓަމަރުން ރެޖިސްޓާ ކުރުމަށް:

އުރީދޫ އެމް-ފައިސާ މެދުވެރިކޮށް ކަސްޓަމަރުންނަށް މޮބައިލް ފޯން ބޭނުންކޮށްގެން ރާއްޖޭގެ އެކި ކަންކޮޅުތަކުގައި ދިރިއުޅޭ ގާތް ތިމާގެ މީހުންނަށް ފައިސާ ފޮނުވައި، އުރީދޫ ޕްރީޕެއިޑް އެކައުންޓް ރީޗާޖްކޮށް، ތަފާތު ވިޔަފާރި ކުރުމުގެ އިތުރުން، ބިލު ވެސް ދެއްކޭނެއެވެ. އެގޮތުން މޮބައިލް ފޯނު ބޭނުންކުރާ އެންމެހާ މީހުންނަށް، ހުރިހާ ޔޫޓިލިޓީ ބިލުތަކެއް އެންމެ ފަސޭހަކަމާއެކު އެމް-ފައިސާ މެދުވެރިކޮށް ދައްކައިލެވޭނެއެވެ. ބީއެމްއެލް، އެސްބީއައި، އެމްއައިބީ، އިންޓަނެޓް ބޭންކިން އަދި އެމް-ފައިސާ އޭޖަންޓްސް މެދުވެރިކޮށް އެމް ފައިސާ ޑިޖިޓަލް ވޮލެޓަށް ފައިސާ ޖަމާ ކުރެވޭނެއެވެ.