ސިފްކޯ ފްލެޓްތައް މިހާރަށް ވުރެ އަވަހަށް ނިންމުމަށް ސަރުކާރުން އަންނަނީ މަސައްކަތްކުރަމުން: ރައީސް
ސިފްކޯ ފްލެޓްތައް މިހާރަށް ވުރެ އަވަހަށް ނިންމުމަށް ސަރުކާރުން މަސައްކަތް ކުރަމުން އަންނަ ކަމަށް ދިވެހިރާއްޖޭގެ ރައީސުލްޖުމްހޫރިއްޔާ އަދި ސިފައިންގެ އެންމެ މަތީ ވެރިޔާ އިބްރާހީމް މުހައްމަދު ސޯލިހު ވިދަޅުވެއްޖެ އެވެ.
ރައީސް ސޯލިހު މިހެން ވިދާޅުވެފައިވަނީ މިރޭ ކަޅުތުއްކަލާ ކޮށީގައި ކުރިއަށްދިޔަ 64 ވަނަ ސިފައިންގެ އަސާސީ ތަމްރީނުގެ ބައިވެރިންގެ ހުވާ ކުރުމުގެ ރަސްމިއްޔާތުގައި ވާހަކަފުޅުދައްކަވަމުންނެވެ.
މި ރަސްމިއްޔާތުގައި ރައީސް ސޯލިހު ވިދާޅުވިގޮތުގައި ހުރިހާ ރައްޔިތުންނެކޭ އެއްފަދައިން ސިފައިންނަށްވެސް ކުރިމަތިވެފައިވާ އެންމެބޮޑު ދައްޗަކީ ބޯހިޔާވަހިކަމުގެ މައްސަލަ އެވެ. އެގޮތުން މިކަމަށް ހައްލެއް ހޯދުމަށް ސަރުކާރުން ސިފްކޯ ހިޔާގެ ފްލެޓް ތަކުގެ މަސައްކަތް މިހާރަށް ވުރެ އަވަސް ކުރުމަށް ހަރުދަނާ އުސޫލުތަކެއް އެކުލަވާލުމުގެ މަސައްކަތް ކުރަމުން އަންނަ ކަމަށް ރައީސް ސޯލިހު ވިދާޅުވިއެވެ.
މީގެ އިތުރުން ރައީސް ސޯލިހު ވަނީ ސިފައިންނާއި ސިފައިންގެ އާއިލާތަކަށް ވެލްފެއާގެ ހިދުމަތް ކަންތައްތައް މިހާރަށް ވުރެ ހަރުދަނާ އަދި ފަސޭހަމާއެކު ލިބޭނެގޮތެއް ރާވަމުން ގެންދަވާ ކަމަށް ވެސް ވިދާޅުވެފައެވެ.
ރޯދަ 28، އެސްޓީއޯ ރޯދަ ބާޒާރު: ދިވެހި ކަރާ މަދުވެ އަގު އުފުލިއްޖެ
ހެޔޮ އަމަލުތައް ކުރުން މަތީ ދެމިތިބެން ޖެހޭ، ކުރެވުނު އަމަލަކުން ސުވަރުގެ ޔަގީންވީކަމަށް ދެކިގެން ނުވާނެ: ހުތުބާ
ރައީސްގެ ނިންމެވުމާ އެއްގޮތަށް މަތީ ތައުލީމަށް ދޫކުރާ ލޯނުތަކުގެ އިދާރީ ފީ ކަނޑާލައިފި
ފަގީރުންގެ ދަފްތަރުގައި ހިމެނޭ އެންމެންނަށް އެއް ހަމައަކުން ޒަކާތް ބަހަނީ، ކޮންމެ މީހަކަށް 4500 ރުފިޔާ
