ޑްރަގް ރިލެބިލިޓޭޝަން ސެންޓަރުތައް ގާއިމުކުރުމަށް ފުރުސަތު ހުޅުވާލައިފި

މަސްތުވާތަކެތި ބޭނުންކުރުމުގެ މައްސަލަ ހުންނަ ފަރާތްތަކަށް ފަރުވާ ދޭ މަރުކަޒުތައް ގާއިމުކުރުމުގެ ފުރުސަތު އަމިއްލަ ފަރާތްތަކަށް ހުޅުވާލައިފިއެވެ.

ނޭޝަނަލް ޑްރަގް އޭޖެންސީން މިއަދު ކުރި އިއުލާނެއްގައި ބުނީ، މަސްތުވާތަކެތި ބޭނުންކުރުމުގެ މައްސަލަ ހުންނަ ފަރާތްތަކަށް ފަރުވާ ދިނުމަށްޓަކައި މަސްތުވާތަކެއްޗާ ބެހޭ ގާނޫނުގެ 47 ވަނަ މާއްދާގެ (ނ) އިން، ފަރުވާދޭ މަރުކަޒުތައް ގާއިމުކޮށް ހިދުމަތްދިނުމުގެ ފުރުސަތު އަމިއްލަ ފަރާތްތަކަށް ލިބިދީފައިވާތީ، ރިހެބިލިޓޭޝަން ސެންޓަރެއް ނުވަތަ ޑިޓޮކްސިފިކޭޝަން ސެންޓަރެއް ހިންގުމަށް ޝައުގުވެރިވާ ފަރާތްތަކުން އެ އެޖެންސީން މައުލޫމާތު ސާފުކުރުމަށްފަހު ޕްރޮޕޯސަލް ހުށަހެޅުން އެދޭ ކަމަށެވެ.

ޑްރަގް އެޖެންސީން ބުނީ، ޕްރޮޕޯސަލް ހުށަހަޅާ ފަރާތުން ހިޔާރުކުރާ ރަށެއްގައި ރިހެބިލިޓޭޝަން ސެންޓަރެއް ގާއިމުކޮށް ހިންގުމުގެ ފުރުސަތު ލިބޭނެ ކަމަށެވެ.

މީގެ އިތުރުން އެ އެޖެންސީން ބުނީ، މިހާރު ހިންގަމުން އަންނަ ސެންޓަރުތަކުގެ ތެރެއިން ސެންޓަރެއް ހިންގުމުގެ ފުރުސަތުވެސް އެބަ އޮތް ކަމަށެވެ.

މިހާރު ހިންގަމުން އަންނަ ޑްރަގް ރިހެބިލިޓޭޝަން ސެންޓަރުތައް:

ޑްރަގް އެޖެންސީން ބުނީ، ރިހެލިބިޓޭޝަން ސެންޓަރުތައް ގާއިމުކުރުމަށް ބޭނުންވާ އަމިއްލަ ފަރާތްތަކުން އަންނަ މޭ މަހުގެ 17 ވަނަ ދުވަހުގެ ކުރިން އެ އެޖެންސީއަށް ޕްރޮޕޯސަލް ހުށަހަޅަން ޖެހޭނެ ކަމަށެވެ.