ސީއައިއެމް ކޮލިފިކޭޝަނާ ގުޅޭގޮތުން ކޯޕަރޭޓް މޯލްޑިވްސްއިން މައުލޫމާތު ސެޝަނެއް

ޗާޓާޑް އިންސްޓިޓިއުޓް އޮފް މާކެޓިން (ސީއައިއެމް)ގެ ކޮލިފިކޭޝަނާ ގުޅޭގޮތުން ކޯޕަރޭޓް މޯލްޑިވްސް އެކެޑެމީ (ސީއެމްއޭ)އިން މައުލޫމާތު ދިނުމުގެ ސެޝަނެއް ބޭއްވުމަށް ނިންމައިފި އެވެ.

ކޯޕަރޭޓް މޯލްޑިވްސްއިން ބުނީ އެ މައުލޫމާތު ދިނުމުގެ ސެޝަން ކުރިއަށްދާނީ އަންނަ ހަފުތާގެ ބުދަ ދުވަހުގެރޭ 08:00 އިން ފެށިގެން 10:00އަށް ކަމަށެވެ.

އެ ސެޝަންގައި ކޮލިފިކޭޝަން ލެވެލް އާއި އެލިޖިބިލިޓީ ކްރައިޓީރިއާ ގުޅޭގޮތުން މައުލޫމާތު ދޭނެ ކަމަށް ކޯޕަރޭޓް މޯލްޑިވްސްއިން ބުނެއެވެ.

ސީއައިއެމް އަކީ ބައިނަލްއަގުވާމީ ފެންވަރުގައި ބަލައިގަންނަ މާކެޓިން ކޮލިފިކޭޝަނެކެވެ. އެ ކޮލިފިކޭޝަނަކީ ޔޫރަޕިއަން މާކެޓިން ކޮންފެޑެރޭޝަނުން އެކްރެޑިޓްކޮށްފައިވާ ކޮލިފިކޭޝަނެކެވެ.