މާފުށީ ޖަލުގައި މާރާމާރީއެއް ހިނގައި، ތިން މީހަކަށް އަނިޔާވެއްޖެއެވެ.
"ވަން އޮންލައިން"އަށް މައުލޫމާތުދެއްވަމުން ފުލުހުންގެ މީޑިއާ އޮފިޝަލް ވިދާޅުވީ މާފުށީ ޖަލުގައި މާރާމާރީއެއް ހިނގައިގެން އުޅޭ ކަމުގެ މައުލޫމާތު މިއަދު ހަވީރު 6:00ގައި ލިބިފައިވާ ކަމަށާއި އެ މާރާމާރީގައި ތިން މީހަކަށް ޒަހަމްވެފައިވާ ކަމަށެވެ. ނަމަވެސް ފުލުހުން އެ މާރާމާރީގެ އިތުރު ތަފްސީލެއް ދީފައެއް ނުވެއެވެ.
އެކަމާ ގުޅޭގޮތުން ކަރެކްޝަންސް ސާވިސްގެ މީޑިއާ އޮފިޝަލް އަހްމަދު ލުގުމާން "ވަން އޮންލައިން"އަށް ވިދާޅުވީ ޖަލުގައި ހަމަނުޖެހުމެއް ހިނގި ކަމަށާއި އެ ހަމަނުޖެހުމުގައި އެއްވެސް މީހަކަށް ސީރިއަސް އަނިޔާތަކެއް ލިބިފައިނުވާ ކަމަށެވެ. އަދި އެމީހުންނަށް ކުދިކުދި ޒަހަމުތައް ލިބިފައިވާ ކަމަށާއި ނަމަވެސް ތޫނު އެއްޗެއް ބޭނުންކޮށްގެން މާރާމާރީއެއް ހިންގާފައިނުވާ ކަމަށް ވެސް އޭނާ ވިދާޅުވިއެވެ.
އެނގިފައިވާ ގޮތުގައި އެ މާރާމާރީ ހިންގާފައިވަނީ ތޫނު އެއްޗެއް ބޭނުންކޮށްގެންނެވެ. އަދި އަނިޔާވި ގައިދީންގެ ހާލު ސީރިއަސް ކަމަށާއި އެކަކުގެ މޭމައްޗަށް ވަޅި ޖަހާފައިވާ ކަމަށް މައުލޫމާތު ލިބެއެވެ.
ރޯދަ 28، އެސްޓީއޯ ރޯދަ ބާޒާރު: ދިވެހި ކަރާ މަދުވެ އަގު އުފުލިއްޖެ
ހެޔޮ އަމަލުތައް ކުރުން މަތީ ދެމިތިބެން ޖެހޭ، ކުރެވުނު އަމަލަކުން ސުވަރުގެ ޔަގީންވީކަމަށް ދެކިގެން ނުވާނެ: ހުތުބާ
ރައީސްގެ ނިންމެވުމާ އެއްގޮތަށް މަތީ ތައުލީމަށް ދޫކުރާ ލޯނުތަކުގެ އިދާރީ ފީ ކަނޑާލައިފި
ފަގީރުންގެ ދަފްތަރުގައި ހިމެނޭ އެންމެންނަށް އެއް ހަމައަކުން ޒަކާތް ބަހަނީ، ކޮންމެ މީހަކަށް 4500 ރުފިޔާ
