އެންއައިސީގެ މެންބަރުކަމަށް ކުރިމަތިލެއްވި ބޭފުޅުންނާ ބެހޭގޮތުން ޝަކުވާ ހުށަހެޅުމަށް ހުޅުވާލައިފި

ނެޝަނަލް އިންޓަގްރިޓީ ކޮމިޝަން (އެންއައިސީ)ގެ މެންބަރުކަމަށް ކުރިމަތިލެއްވި ބޭފުޅުންނާ ބެހޭގޮތުން އާންމުންގެ ޝަކުވާއެއް އޮތްނަމަ ހުށަހެޅުމަށް ރައްޔިތުންގެ މަޖިލީހުން އާންމުކޮށް ފުރުސަތު ހުޅުވާލައިފިއެވެ.

ރައްޔިތުންގެ މަޖިލީހުގެ އިދާރާއިން މިއަދު ބުނީ އެބޭފުޅުންނާ ބެހޭގޮތުން އެއްވެސް ޝަކުވާއެއްވާ ނަމަ އަންނަ މަހުގެ 13 ވަަނަ ދުވަހުގެ 14:00 ގެ ކުރިން ފުރިހަމަ ނަމާއި، ދާއިމީ އެޑްރެސް އެނގޭގޮތަށް، މެއިލް އެޑްރެސް [email protected] އަށް ނުވަތަ ރައްޔިތުންގެ މަޖިލީހުގެ އިދާރާއަށް ލިއުމުން ހުށަހެޅުމަށް އެދޭ ކަމަށެވެ.

އެންއައިސީއަށް ތިން މެންބަރުން އައްޔަން ކުރުމަށްޓަކައި އެކަމަށް ކުރިމަތިލެއްވި 17 ބޭފުޅެއްގެ ނަން ދިރާސާ ކުރުމަށް ރައްޔިތުންގެ މަޖިލީހުގެ މިނިވަން މުއައްސަސާތަކާ ބެހޭ ކޮމިޓީއަށް ވަނީ ފޮނުވައިފައެވެ.

ފަސް މެންބަރުންގެ މައްޗަށް އެކުލެވިގެންވާ ނޭޝަނަލް އިންޓަގްރިޓީ ކޮމިޝަނަށް އާ މެންބަރުން އައްޔަން ކުރަން ނިންމީ އެ ކޮމިޝަންގައި ތިއްްބެވި މެންބަރުންގެ ތެރެއިން ތިން މެންބަރެއްގެ މައްޗަށް އިތުބާރު ނެތް ކަމުގެ ވޯޓު ނަގައި އެބޭފުޅުން ވަކިކުރަން ރައީސުލްޖުމްހޫރިއްޔާއަށް ލަފާ އެރުވުމަށް ރައްޔިތުންގެ މަޖިލީހުން ފާސްކުރަން ތައްޔާރުވެފައި ވަނިކޮށް ދެ މެންބަރަކު އިސްތިއުފާ ދެއްވުމާއި މަޖިލީހުން އެރުވި ލަފައާ އެއްގޮތަށް އެ ކޮމިޝަންގެ ރައީސް އަހުމަދު ސުލެއިމާނު ވަކި ކުރެއްވުމާ ގުޅިގެންނެވެ.

އެންއައިސީގެ މެންބަރުކަމަށް ކުތިމަތިލެއްވި ބޭފުޅުން:

މި ބޭފުޅުންގެ ތެރެއިން އެންއައިސީއަށް އައްޔަންކުރާނެ މެންބަރުން މަޖިލީހުން ކަނޑައަޅާނީ މި ބޭފުޅުންގެ ނަންތައް މަޖިލީހުގެ މިނިވަން މުއައްސަސާތަކާ ބެހޭ ކޮމިޓީން ދިރާސާކޮށް މަޖިލީހަށް ހުށަހެޅުމުންނެވެ.