މީރާގެ ބޯޑަށް 4 މެންބަރަކު އައްޔަންކުރަން 5 ބޭފުޅެއްގެ ނަން މަޖިލިސް ތަޅުމަށް ފޮނުުވައިފި

މޯލްޑިވްސް އިންލެންޑް ރެވެނިއު އޮތޯރިޓީ (މީރާ)ގެ ބޯޑަށް ހަތަރު މެންބަރަކު އައްޔަން ކުރުމަށް ޓަކައި ފަސްބޭފުޅެއްގެ ނަން ރައްޔިތުންގެ މަޖިލީހުގެ އިގްތިސާދީ ކޮމިޓީން ފާސްކޮށް މަޖިލީހުގެ ތަޅުމަށް ފޮނުވައިފިއެވެ.

މީރާގެ ބޯޑަށް ކުރިމަތިލުމުގެ ފުރުސަތު ހުޅުވާލުމުން ކުރިމަތިލެއްވި އަށް ބޭފުޅުންގެ ނަން ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު ރައްޔިތުންގެ މަޖިލީހަށް ފޮނުއްވުމުން، މަޖިލީހުގެ ތަޅުމުގައި އެ ނަންތައް އިއުލާން ކުރެއްވުމަށްފަހު، ދިރާސާ ކުރުމަށް ކޮމިޓީއަށް ފޮނުވީ މިމަހުގެ 12 ވަނަ ދުވަހުގައެވެ.

ކޮމިޓީން އެބޭފުޅުންގެ ނަންތައް ދިރާސާކޮށް، އެބޭފުޅުންނާ އިންޓަވިއު ކުރުމަށްފަހު ވަކިވަކިން ވޯޓަށް އެހުމުން އެބޭފުޅުންގެ ތެރެއިން ފަސް ބޭފުޅުންގެ ނަން މީރާގެ ބޯޑަށް އައްޔަންކުރަން ތަޅުމަށް ފޮނުވުމަށް ކޮމިޓީން ފާސްކުރިއެވެ.

ކޮމިޓީން ފާސްކުރި ބޭފުޅުންގެ ނަންތައް:

މި ފަސް ބޭފުޅުންގެ ތެރެއިން މީރާގެ ބޯޑަށް އައްޔަންކުރާ ހަތަރު ބޭފުޅުން ކަނޑައަޅާނީ މަޖިލީހުގެ ތަޅުމުގައި ވޯޓަށް އަހައިގެންނެވެ.