އިންޑިއާ ކަނޑުގެ ބެސްޓް ސްޕާ ޑެސްޓިނޭޝަން އަށް ރާއްޖޭގެ 13 ރިސޯޓެއް ނޮމިނޭޓް ވެއްޖެ

މިއަހަރުގެ ވޯލްޑް ސްޕާ އެވޯޑްސްގައި "އިންޑިއަން އޯޝަންސް ބެސްޓް ސްޕާ ޑެސްޓިނޭޝަން" އަށް ރާއްޖެ ނޮމިނޭޓް ވެއްޖެއެވެ.

މިއީ އެ އެވޯޑަށް ރާއްޖެ ނޮމިނޭޓް ވި ހަވަނަ ފަހަރެވެ. މީގެ ކުރިން ރާއްޖެ ވަނީ ވިދި ވިދިގެން ފަސް ފަހަރު އެ އެވޯޑަށް ނޮމިނޭޓް ވެ، ކާމިޔާބު ކޮށްފައެވެ. މި އަހަރުގެ ވޯލްޑް ސްޕާ އެވޯޑްސްގައި އިންޑިއަން އޯޝަން ބެސްޓް ސްޕާ ޑެސްޓިނޭޝަން ކެޓަގަރީން ރާއްޖެއާ ވާދަކުރަނީ މޮރިޝަސް އަދި ސީޝެލްސްއެވެ.

މި އަހަރު ރާއްޖޭގެ ބެސްޓް ރިސޯޓް ސްޕާގެ އެވޯޑަށް 13 ރިސޯޓެއް ނޮޮމިނޭޓުވެފައި ވެއެވެ. އެ ރިސޯޓްތަކަކީ:

މީގެ އިތުރުން ރާއްޖޭގެ ބެސްޓް ވެލްނެސް ރިޓްރީޓް އެވޯޑަށް ނުވަ ރިސޯޓެއް ނޮމިނޭޓުވެފައި ވެއެވެ. އެ ރިސޯޓްތަކަކީ:

މި އެވޯޑު ތަކަށް ވޯޓު ދިނުމުގެ ފުރުސަތު މިހާރު ހުޅުވާލާފައިވާއިރު މި ފުރުސަތު ސެޕްޓެމްބަރު 30 ގެ ނިޔަލަށް އޮންނާނެއެވެ.

މޯލްޑިވްސް މާކެޓިން އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރުސީ) އިން ބުނީ، ވޯލްޑް ސްޕާ އެވޯޑްސް އަކީ ބައިނަލްއަގްވާމީ ފަތުރުވެރިކަމުގެ ސިނާއަތުގައި ދެވޭ އެންމެ ޝަރަފުވެރި އެއް އެވޯޑަށްވާއިރު އެފަދަ އެވޯޑަކަށް ރާއްޖެ ނޮމިނޭޓް ވެގެން ދިއުމަކީ ރާއްޖޭގެ ސްޕާ ހިދުމަތްތަކަށް ލިބޭ ކުރިއެރުމެއް ކަމަށެވެ. އަދި އެއީ ދުނިޔޭގެ މާކެޓުގައި ރާއްޖެއަކީ މަތީ ފަންތީގެ ސްޕާގެ ހިދުމަތްދޭ މަންޒިލެއްގެ ގޮތުގައި އިތުރަށް މަޝްހޫރުވެގެންދާނެ ކަމެއް ކަމަށް ވެސް އެ ކޯޕަރޭޝަނުން ބުނެއެވެ.