ކޮވިޑް-19އާ ގުޅިގެން އިންޑިއާގެ ބޯޑަރު ބަންދުކޮށްފައިވާތީ، އެގައުމުން ނުގެނެވިފައިވާ އެސްޓީއޯގެ ބޭސް ސިޕްމެންޓެއް ގެނައުމުގެ ހުއްދަ އިންޑިއާއިން ދީފި އެވެ.
ރާއްޖޭގައި ހުންނަ އިންޑިއާ ހައިކޮމިޝަނުން މިއަދު ބުނީ އެސްޓީއޯއިން ގަނެފައިވާ ސިއްހީ ބައެއް ސާމާނު، ބޯޑަރުތައް ބަންދުވުމުގެ ސަބަބުން ނުގެނެވިފައި ވަނިކޮށް، އެތަކެތި ރާއްޖެއަށް އެކްސްޕޯޓް ކުރުމުގެ ހުއްދަ އިންޑިއާއިން ފޯރުކޮށްދީފައިވާ ކަމަށެވެ. އޭގެ ތެރޭގައި ކޮވިޑް-19 އަށް ޓެސްޓުކުރުމަށް ބޭނުން ކުރެވޭ ބައެއް ސާމާނުވެސް ހިމެނޭ ކަމަށް ކޮމިޝަނުން ބުންޏެވެ.
އިންޑިއާގެ ބޯޑަރުތައް ބަންދުކޮށްފައިވާތީ، ރާއްޖެއަށް ގެންނަން ބޭނުންވާ ބައެއް ތަކެތި ގެނައުމަށް އެގައުމުން އަންނަނީ އެހީތެރިކަން ފޯރުކޮށް ދެމުންނެވެ.
މީގެ ކުރިންވެސް ވަނީ އެސްޓީއޯގެ ބޭސް ސިޕްމެންޓްތައް އިންޑިއާއިން ގެނެސްދީފަ އެވެ. އެ ޝިޕްމެންޓްތައް ގެނައީ އިންޑިއަން އެއާ ފޯސް އެއާކްރާފްޓެއްގަ އެވެ. މީގެ އިތުރުން ރާއްޖެއަށް ބޭނުންވާ ކާބޯތަކެއްޗާއި އެނޫން ބައެއް ސާމާނުތައް ވެސް ގެނައުމަށް އެގައުމުން ވަނީ އެހީތެރިކަން ފޯރުކޮށްދީފަ އެވެ.
ރޯދަ 28، އެސްޓީއޯ ރޯދަ ބާޒާރު: ދިވެހި ކަރާ މަދުވެ އަގު އުފުލިއްޖެ
ހެޔޮ އަމަލުތައް ކުރުން މަތީ ދެމިތިބެން ޖެހޭ، ކުރެވުނު އަމަލަކުން ސުވަރުގެ ޔަގީންވީކަމަށް ދެކިގެން ނުވާނެ: ހުތުބާ
ރައީސްގެ ނިންމެވުމާ އެއްގޮތަށް މަތީ ތައުލީމަށް ދޫކުރާ ލޯނުތަކުގެ އިދާރީ ފީ ކަނޑާލައިފި
ފަގީރުންގެ ދަފްތަރުގައި ހިމެނޭ އެންމެންނަށް އެއް ހަމައަކުން ޒަކާތް ބަހަނީ، ކޮންމެ މީހަކަށް 4500 ރުފިޔާ
