ކޮވިޑް 19 ފެތުރުން ހުއްޓުވުމަށާއި، މުޖުތަމައު ކޮވިޑުން ރައްކާތެރިކުރުމަށް ކުރެވޭ މަސައްކަތް އިތުރަށް ހަރުދަނާކުރުމަށްޓަކައި ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ކޮންޓެކްޓް ޓްރޭސިން އެޕްލިކޭޝަނެއް ތައާރަފުކޮށްފިއެވެ.
އެޗްޕީއޭއިން ބުނީ "ޓްރޭސްއެކީ"ގެ ނަމުގައި ތައާރަފުކުރެވުނު މި އެޕްލިކޭޝަނަކީ ކޮވިޑަށް ޕޮޒިޓިވްވެފައިވާ މީހުންނާއި އެމީހުންނާ އެއްތަންވެފައިވާ މީހުން ދުރާލާ ދެނެގަތުމަށް ހަދާފައިވާ އެޕްލޭޝަނެއް ކަމަށެވެ.
ޓްރޭސްއެކީއިން ބްލޫޓޫރު މެދުވެރިކޮށް ޓްރޭސްއެކީ ބޭނުންކުރާ އެހެން މީހުންނާ ދިމާވެފައިވާނަމަ އެ މައުލޫމާތު ފޯނުގައި ރައްކާކުރާނެއެވެ. އަދި އެމީހެއް ބައްޔަށް ޕޮޒިޓިވްވެއްޖެ ހާލަތެއްގައި އެޗްޕީއޭއަށް މި މައުލޫމާތު ހުށަހެޅުމުން، އެމީހަކާއި ގާތުން އެއްތަންވެފައިވާ މީހުންގެ ފޯނު ނަންބަރުތައް ކޮންޓެކްޓް ޓްރޭސިންގައި ބޭނުންކުރުމަށް އެޗްޕީއޭއަށް ލިބޭނެއެވެ.
އެޗްޕީއޭއިން ބުނީ މި އެޕްލިކޭޝަން ގޫގުލް ޕްލޭސްޓޯރުން ލިބޭނެ ކަމަށާއި ވަރަށް އަވަހަށް އެ އެޕްލިކޭޝަންގެ އައިއޯއެސް ވާޝަން ވެސް ތައާރަފުކުރާނެ ކަމަށެވެ.
މީގެ ކުރިން އެޗްޕީއޭއިން ވަނީ ކޮވިޑާ ގުޅުންހުރި މައުލޫމާތުތައް ފޯރުކޮށްދިނުމަށް ވައިބާ ބޮޓެއްވެސް ތައާރަފުކޮށްފައެވެ.
ދުނިޔޭގެ ކުރިއަރާފައިވާ ބައެއް ގައުމުތަކުގައިވެސް އަންނަނީ ކޮންޓެކްޓް ޓްރޭސިންގެ މަސައްކަތް ފަސޭހަކުރުމުގެ ގޮތުން ކޮންޓެކްޓް ޓްރޭސިން އެޕްލިކޭޝަންތައް ބޭނުންކުރަމުންނެވެ.
ރޯދަ 28، އެސްޓީއޯ ރޯދަ ބާޒާރު: ދިވެހި ކަރާ މަދުވެ އަގު އުފުލިއްޖެ
ހެޔޮ އަމަލުތައް ކުރުން މަތީ ދެމިތިބެން ޖެހޭ، ކުރެވުނު އަމަލަކުން ސުވަރުގެ ޔަގީންވީކަމަށް ދެކިގެން ނުވާނެ: ހުތުބާ
ރައީސްގެ ނިންމެވުމާ އެއްގޮތަށް މަތީ ތައުލީމަށް ދޫކުރާ ލޯނުތަކުގެ އިދާރީ ފީ ކަނޑާލައިފި
ފަގީރުންގެ ދަފްތަރުގައި ހިމެނޭ އެންމެންނަށް އެއް ހަމައަކުން ޒަކާތް ބަހަނީ، ކޮންމެ މީހަކަށް 4500 ރުފިޔާ
