ގއ. ތިނަދޫގައި ހުންނަ ޑރ އަބްދު ސަމަދު މެމޯރިއަލް ހޮސްޕިޓަލްގައި އިއްޔެރޭ މަރުވި މީހާ ކޮވިޑަށް ޓެސްޓް ކުރި ކަމަށާއި، އޭނާ ވަޅުލާފައިވަނީ ހިނެވުމުގެ ބަދަލުގައި ތަޔައްމަމު ކުރުމަށް ފަހުގައި ކަމަށް ކޮވިޑް 19ގެ މައުލޫމާތު ދިނުމަށް ސަރުކާރުން ކަނޑައަޅާފައި ހުންނަވާ ތަރުޖަމާނު މުހައްމަދު މަބްރޫކް އަޒީޒް ވިދާޅުވެއްޖެއެވެ.
"ވަން" އަށް އެނގިފައިވާ ގޮތުގައި އެމީހާ ވަޅުލާފައިވަނީ އިއްޔެ ހެނދުނުގެ ވަގުތެއްގައެވެ. "ވަން" އަށް މައުލޫމާތު ދެއްވަމުން މަބްރޫކް ވިދާޅުވީ، ތިނަދޫ ރީޖަނަލް ހޮސްޕިޓަލްގެ އޮފިޝަލުން ވަނީ ހިނެވުމުގައި ހަރަކާތްތެރިވާ ޖަމާއަތްތެރިންގެ ޓީމަށް އާދައިގެ ހިނެވުމަކުން އެމީހާ ހިނެވިޔަސް އެއްވެސް މައްސަލައެއް ނުޖެހޭނެ ކަމަށް އަންގާފައެވެ.
މީގެ އިތުރުން ހޮސްޕިޓަލުގެ އެސްއޯޕީގައިވާ ގޮތުގެ މަތީން ޖަމާއަތްތެރީންނަށް ޕީޕީއީ ކިޓް ފޯރުކޮށްދީފައިވާ ކަމަށް ހޮސްޕިޓަލުން މައުލޫމާތު ދޭ ކަމަށްވެސް މަބްރޫކް ވިދާޅުވިއެވެ.
ނަމަވެސް ޖަމާއަތްތެރިންގެ ޓީމުން ނިންމީ ހިނެވުމުގެ ބަަދަލުގައި ތަޔައްމަމު ކުރުމަށް ކަމަށާއި، އެހެންކަމުން އެގޮތުގެ މަތީން އޭނާ ވަޅުލުމުގެ ކުރިން ތަޔައްމަމުކޮށްފައިވާ ކަމަށް މަބްރޫކް ވިދާޅުވިއެވެ.
ނިޔާވި މީހާ ކޮވިޑަށް ޕޮޒިޓިވް ކަމެެއް ނުވަތަ ނެގެޓިވް ސަރުކާރުން އަދި ހާމަކޮށްފައެއް ނުވެއެވެ. އޭނާ އަކީ ނޭވާލާ ނިޒާމުގެ ބަލި ހުރި މީހެއް ކަމަށް ވެސް މަބްރޫކް ވިދާޅުވެފައި ވެއެވެ.
ރޯދަ 28، އެސްޓީއޯ ރޯދަ ބާޒާރު: ދިވެހި ކަރާ މަދުވެ އަގު އުފުލިއްޖެ
ހެޔޮ އަމަލުތައް ކުރުން މަތީ ދެމިތިބެން ޖެހޭ، ކުރެވުނު އަމަލަކުން ސުވަރުގެ ޔަގީންވީކަމަށް ދެކިގެން ނުވާނެ: ހުތުބާ
ރައީސްގެ ނިންމެވުމާ އެއްގޮތަށް މަތީ ތައުލީމަށް ދޫކުރާ ލޯނުތަކުގެ އިދާރީ ފީ ކަނޑާލައިފި
ފަގީރުންގެ ދަފްތަރުގައި ހިމެނޭ އެންމެންނަށް އެއް ހަމައަކުން ޒަކާތް ބަހަނީ، ކޮންމެ މީހަކަށް 4500 ރުފިޔާ
