މޯލްޑިވް ގޭހުގެ ހިދުމަތް މިއަދު ހެނދުނު 09:00 އިން ރޭގަނޑު 08:30 އަށް ލިބޭނެ

ވެބްސައިޓް އަދި އެސްއެމްއެސް މެދުވެރިކޮށް ގޭހަށް އޯޑަރު ކުރުމުގެ ހިދުމަތް ހޯދުމަށް މޯލްޑިވް ގޭސް އިން އެދެފި އެވެ.

އެކުންފުނިން މިއަދު ބުނީ އެކުންފުނީގެ ހޮޓްލައިން މިހާރު މަސައްކަތް ނުކުރާނެކަމަށެވެ. އެހެންކަމުން ހިދުމަތް ހޯދާ ކަސްޓަމަރުން އެކުންފުނީގެ ވެބްސައިޓު https://maldivegas.com/order މެދުވެރި ކޮށް އަދި އެސްއެމްއެސް (ސީއޯޑީ ހުސްތަންކޮޅެއް ދިނުމަށްފަހު އައިޑީކާޑު ނަންބަރު ޖެހުމަށްފަހު) 7201616 ނަންބަރަށް މެސެޖު ކުރުމަށް އެދޭކަމަށެވެ.

މޯލްޑިވް ގޭސް އިން ބުނީ މިއަދު ހެނދުނު 09:00 އިން ފެށިގެން މިރޭގެ 20:30 އާހަމައަށް އެކުންފުނިން ހިދުމަތް ދެމުން ގެންދާނެ ކަމަށެވެ.

ކޮވިޑް 19 އާއި ގުޅިގެން މާލެ ސަރަހައްދަށް އިއްޔެ މެންދުރުފަހު 15:30 އިން ފެށިގެން ލޮކްޑައުން އިއުލާނު ކުރުމާއިގުޅިގެން ރޭގެ 08:00 އިން 09:30 އަށް އެކުންފުނިން ވަނީ ޑެލިވަރީގެ ހިދުމަތްދީފައެވެ.