ދިވެހި ބަހަކީ ދިވެހި ގައުމިއްޔަތުގެ ހިތް ކަމަށް ރައީސުލްޖުމްހޫރިއްޔާ އިބްރާހީމް މުހައްމަދު ސޯލިހު ވިދާޅުވެއްޖެއެވެ.
ރައީސް ސޯލިހު މިހެން ވިދާޅުވީ މިއަދު ފާހަގަކުރަމުން އަންނަ ދިވެހި ބަހުގެ ދުވަހުގެ ތަހުނިޔާ ދިވެހި އެންމެހައި ރައްޔިތުންނަށް ފޮނުއްވައި ކުރެއްވި ޓުވީޓެއްގަ އެވެ.
މި ޓުވީޓުގައި ރައީސް ސޯލިހު ވިދާޅުވީ ދިވެހި ބަހަކީ ދިވެހީންގެ އަމިއްލަ ވަންތަ ކަމުގެ ރަމްޒު ކަމަށެވެ. އަދި ދިވެހި ބަހަކީ ދިވެހި
ގައުމިއްޔަތުގެ ހިތް ކަމަށާއި، ދިވެހި ބަހަކީ ހުރިހާ ދިވެހިން ގުޅުވާލަދޭ ފާލަން ކަމަށް ވެސް ރައީސް ސޯލިހު ވިދާޅުވިއެވެ.
ދިވެހި ބަސް ރައްކާތެރިކޮށް، މުއްސަނދިކުރުމާއި، ބަހުގެ މައްޗަށް އެންމެހާ ރައްޔިތުންގެ ސަމާލުކަން އިތުރުކޮށް، ބަހާއި މެދު ދިވެހިން ހޭލުންތެރި ކުރުމުގެ ގޮތުން ކޮންމެ އަހަރަކުވެސް އޭޕްރީލް 14 ފާހަގަ ކުރަމުން އަންނަނީ ދިވެހި ބަހުގެ ދުވަހުގެ ގޮތުގައެވެ. މިއަހަރުގެ ދިވެހިބަހުގެ ދުވަހުގެ ޝިއާރަކީ "ފޮތް ކިޔުމާއި މުއާމަލާތުކުރުން، އިސްކަން ދިވެހި ބަހަށް" އެވެ.
ރޯދަ 28، އެސްޓީއޯ ރޯދަ ބާޒާރު: ދިވެހި ކަރާ މަދުވެ އަގު އުފުލިއްޖެ
ހެޔޮ އަމަލުތައް ކުރުން މަތީ ދެމިތިބެން ޖެހޭ، ކުރެވުނު އަމަލަކުން ސުވަރުގެ ޔަގީންވީކަމަށް ދެކިގެން ނުވާނެ: ހުތުބާ
ރައީސްގެ ނިންމެވުމާ އެއްގޮތަށް މަތީ ތައުލީމަށް ދޫކުރާ ލޯނުތަކުގެ އިދާރީ ފީ ކަނޑާލައިފި
ފަގީރުންގެ ދަފްތަރުގައި ހިމެނޭ އެންމެންނަށް އެއް ހަމައަކުން ޒަކާތް ބަހަނީ، ކޮންމެ މީހަކަށް 4500 ރުފިޔާ
