އިނގިރޭސިވިލާތުން އައި 75 އަށްވުރެ ގިނަ މީހުން ޓެސްޓުކުރެވުނު ކަމަށް ސަރުކާރުން ބުނެފިއެވެ.
ކޮވިޑް 19އާ ގުޅޭގޮތުން މައުލޫމާތުދިނުމަށް މިރޭ ބޭއްވި ނޫސްވެރިންގެ ބައްދަލުވުމުގައި ވާހަކަދައްކަވަމުން ކޮވިޑް 19އާ ގުޅޭ މައުލޫމާތުދިނުމަށް ސަރުކާރުން ކަނޑައެޅި ތަރުޖަމާނު މުހައްމަދު މަބްރޫކު އަބްދުލް އަޒީޒް ވިދާޅުވީ ޓެސްޓުކުރެވުނު އެ އެންމެންގެ ނަތީޖާ ވެސް ނެގަޓިވް ކަމަށެވެ.
"ޔަގީންކޮށް ބުނަން އެނގޭ 75 އަށްވުރެ ގިނަ މީހުން ޓެސްޓުކުރެވުނު. އަދި ޓެސްޓުކުރެވުނު އެންމެންގެ ނަތީޖާ ވެސް ނެގަޓިވް،" އޭނާ ވިދާޅުވިއެވެ.
މިދިޔަ މަހުގެ 14 ވަނަ ދުވަހުން ފެށިގެން 18 ވަނަ ދުވަހުގެ މެންދަމާ ހަމައަށް އިނގިރޭސިވިލާތުން ރާއްޖެއަށް އައިސްފައިވާ މީހުންގެ ސާމްޕަލްތައް ނެގުމަށް ސަރުކާރުން ވަނީ ނިންމައިފައެވެ. އެމީހުންގެ ސާމްޕަލްތައް ނަގައި ޓެސްޓުކުރެވިފައިވަނީ އެ ނިންމުމާ ގުޅިގެންނެވެ.
ރާއްޖޭން ހަތަރު ދިވެއްސަކު ކޮވިޑް 19އަށް ޕޮޒިޓިވް ވީ އިރު އެ ހަތަރު މީހުންނަކީ ވެސް އިނގެރޭސިވިލާތުން ރާއްޖެއަށް އައި މީހުންނެވެ.
ރޯދަ 28، އެސްޓީއޯ ރޯދަ ބާޒާރު: ދިވެހި ކަރާ މަދުވެ އަގު އުފުލިއްޖެ
ހެޔޮ އަމަލުތައް ކުރުން މަތީ ދެމިތިބެން ޖެހޭ، ކުރެވުނު އަމަލަކުން ސުވަރުގެ ޔަގީންވީކަމަށް ދެކިގެން ނުވާނެ: ހުތުބާ
ރައީސްގެ ނިންމެވުމާ އެއްގޮތަށް މަތީ ތައުލީމަށް ދޫކުރާ ލޯނުތަކުގެ އިދާރީ ފީ ކަނޑާލައިފި
ފަގީރުންގެ ދަފްތަރުގައި ހިމެނޭ އެންމެންނަށް އެއް ހަމައަކުން ޒަކާތް ބަހަނީ، ކޮންމެ މީހަކަށް 4500 ރުފިޔާ
