ހަތަރު ރިސޯޓަކާއި 19 ސަފާރީއަކުން މީހުން ފޭބުމުގެ ހުއްދަ ދީފި

މިހާތަނަށް ހަތަރު ރިސޯޓަކާއި 19 ސަފާރީއަކުން ފޭބުމުގެ ހުއްދަ ދީފައިވާ ކަމަށް ސަރުކާރުން ބުނެފިއެވެ.

ކޮވިޑް 19އާ ގުޅޭގޮތުން މައުލޫމާތުދިނުމަށް މިރޭ ބޭއްވި ނޫސްވެރިންގެ ބައްދަލުވުމުގައި ކޮވިޑް 19އާ ގުޅޭ މައުލޫމާތުދިނުމަށް ސަރުކާރުން ކަނޑައެޅި ތަރުޖަމާނު މުހައްމަދު މަބްރޫކު އަބްދުލް އަޒީޒު ވިދާޅުވީ އިއްޔެ އާއި މިއަދާ އެއްކޮށް ޖުމްލަ ހަތަރު ރިސޯޓާއި 19 ސަފާރީއަކުން މީހުން ފޭބުމުގެ ހުއްދަ ދީފައިވާ ކަމަށެވެ. ސަފާރީތަކާއި ރިސޯޓުތަކުން މިހާރު ޖުމްލަ 302 މީހަކު ފޭބުމުގެ ހުއްދަ ވަނީ ދެވިފައެވެ.

"އިއްޔެއާއި މިއަދާ އެއްކޮށް ހަތަރު ރިސޯޓު މިވަނީ ދޫކޮށްލެވިފައި. އަދި 19 ސަފާރީއެއް މިވަނީ ދޫކޮށްލެވިފައި. މިއަދު 280 އީމެއިލެއް ލިބި، 257 އީމެއިލަކަށް ވަނީ ރިޕްލައި ކުރެވިފައި. އަދި ބާކީ ހުރި އީމެއިލްތަކަށް ރިޕްލައި ކުރުމުގެ މަސައްކަތް މިހާރު ކުރައްވަމުން އެބަ ގެންދަވާ،" އޭނާ ވިދާޅުވިއެވެ.

މަބްރޫކު ވިދާޅުވީ ލިޔުންތައް ހަމަނުވުމާއި ނުބައި އީމެއިލް އެޑްރެސްއަކަށް އީމެއިލްކުރުން ފަދަ ކަންކަން ފާހަގަކުރެވިފައިވާ ކަމަށާއި އީމެއިލް ކުރަން ޖެހޭނީ [email protected] އަށް ކަމަށެވެ. އަދި 14 ދުވަސް ގުނުމުގައި ގެންގުޅޭ އުސޫލު އިތުރަށް ތަފުސީލުކޮށްފައި ނެރެފައިވާނެކަން ވެސް އޭނާ ފާހަގަކުރެއްވިއެވެ.

މީހުން ފޭބުމުގެ ހުއްދަ ދިން ރިސޯޓުތައް:

މީހުން ފޭބުމުގެ ހުއްދަ ދިން ސަފާރީތައް: