ފިޔޯރީގައި ޖެޓީ މަތިން މޫދަށް ވެއްޓި މީހަކު މަރުވެއްޖެ

ގދ. ފިޔޯރީގައި ޖެޓީ މަތިން މޫދަށް ވެއްޓި މީހަކު މަރުވެއްޖެއެވެ.

އެފަދަ ހާދިސާއެއް ހިނގައިގެން އުޅޭކަން ފުލުހުން ވަނީ "ވަން އޮންލައިން"އަށް ކަށަވަރުކޮށްދީފައެވެ.

ފުލުހުންގެ މީޑިއާ އޮފިޝަލް ވިދާޅުވީ އެފަދަ ހާދިސާއެއް ހިނގައިގެން އުޅޭ ކަމުގެ މައުލޫމާތު ފުލުހުންނަށް ލިބިފައިވަނީ މިރޭ 6:50 ހާއިރު ކަމަށެވެ.

އެ ހާދިސާގައި މަރުވީ 71 އަހަރުގެ މީހެއް ކަމަށާއި އޭނާ މޫދަށް ވެއްޓުނީ ކައްސާލައިގެން ޖެޓީއާއި ބޯޓަކާ ދޭތެރެއަށް މޫދަށް ކަމަށް ފުލުހުންގެ މީޑިއާ އޮފިޝަލް ވިދާޅުވިއެވެ.