ރައީސް އޮފީހުގައި ޕްލާސްޓިކް ފުޅި އާއި ކޮތަޅު ބޭނުންކުރުން ހުއްޓާލުމުގެ ކެމްޕެއިނެއް ފައްޓަވައިދެއްވައިފި
ރައީސުލްޖުމްހޫރިއްޔާގެ އޮފީހުގައި އެއްފަހަރު ބޭނުންކޮށް އުކާލާ ޕްލާސްޓިކުގެ ބާވަތްތައް ކަމަށްވާ ފެންފުޅި އާއި ކޮތަޅު ބޭނުންކުރުން ހުއްޓައިލުމަށް ހާއްސަ ކެމްޕެއިނެއް ރައީސުލްޖުމްހޫރިއްޔާ އިބްރާހީމް މުހައްމަދު ސޯލިހު އިފްތިތާހުކުރައްވައިފި އެވެ.
މިއަދު ރައީސް އޮފީހުގައި ބޭއްވި ރަސްމިއްޔާތެއްގައި އެ ހާއްސަ ޕްރޮގްރާމް އިފްތިތާހުކުރައްވާފައި ވާއިރު އެ ޕްރޮގްރާމްގެ ދަށުން އޮފީހުގައި ބިއްލޫރި ފެންފުޅި އާއި ޕްލާސްޓިކް ނޫން ކޮތަޅު ބޭނުންކުރުމަށް ވަނީ ހަމަޖެހިފައެވެ.
އެ މަސައްކަތް ފެށުމުގެ ގޮތުން ރައީސް އޮފީހުގެ ހުރިހާ މުވައްޒަފުންނަށް ވަނީ ބިއްލޫރި ފުޅި ހަވާލުކުރައްވައިފައެވެ.
ޕްލާސްޓިކް ފުޅި ބޭނުންކުރުން ހުއްޓާލުމުގެ މަސައްކަތް ފެށުމުގެ ރަސްމިއްޔާތުގައި ވާހަކަފުޅު ދައްކަވަމުން ރައީސް ސޯލިހް ވިދާޅުވީ ފުރަތަމަ 100 ދުވަސް ނިމުމުގެ ކުރީން ދައުލަތުގެ މުއައްސަސާތަކުގައި އެއްފަހަރު ބޭނުންކޮށް އުކާލާ ޕްލާސްޓިކް ބޭނުންކުރުން ހުއްޓައިލުމުގެ މަސައްކަތް ކުރުމަށް އުއްމީދު ކުރައްވާ ކަމަށެވެ.
"އަދި މުސްތަގުބަލުގައި މި ޕްރޮގްރާމް އެހެން އޮފީސްތަކުގައި ހިންގެވުމުގައި އެފަރާތްތަކުގެ އެހީތެރިކަން ލިބިގެންދާނެ ކަމަށްވެސް އަޅުގަނޑު ޔަގީންކުރަން،" ރައީސް ވިދާޅުވިއެވެ.
މިއަދު ފެށި އެ ހަރަކާތަކީ ޕްލާސްޓިކްގެ ނުރައްކާތެރިކަމަށް ހޭލުންތެރިކަން އިތުރުކުރުމަށް އެޅުނު މުހިއްމު ފިޔަވަޅެއް ކަމަށް ރައީސް ވިދާޅުވިއެވެ.
ރޯދަ 28، އެސްޓީއޯ ރޯދަ ބާޒާރު: ދިވެހި ކަރާ މަދުވެ އަގު އުފުލިއްޖެ
ހެޔޮ އަމަލުތައް ކުރުން މަތީ ދެމިތިބެން ޖެހޭ، ކުރެވުނު އަމަލަކުން ސުވަރުގެ ޔަގީންވީކަމަށް ދެކިގެން ނުވާނެ: ހުތުބާ
ރައީސްގެ ނިންމެވުމާ އެއްގޮތަށް މަތީ ތައުލީމަށް ދޫކުރާ ލޯނުތަކުގެ އިދާރީ ފީ ކަނޑާލައިފި
ފަގީރުންގެ ދަފްތަރުގައި ހިމެނޭ އެންމެންނަށް އެއް ހަމައަކުން ޒަކާތް ބަހަނީ، ކޮންމެ މީހަކަށް 4500 ރުފިޔާ
