ސައުދީ އަރަބިއާގެ ވެރިރަށް ރިޔާދަށައި ދެކުނުގައި އޮންނަ ޖިޒާން އަށް އަމާޒުކޮށް ޔަމަނުގެ ހޫތީ ހަނގުރާމަވެރިން މިއަދު ފޮނުވާލި މިސައިލް ހަމަލާ ރާއްޖެއިން ހަރުކަށި އިބާރާތުން ކުށްވެރި ކޮށްފިއެވެ.
މިއަދު ދޭން އުޅުނު ހަމަލާއަކީ އަހަރަކަށްވުރެ ގިނަ ދުވަސް ފަހުން ސައުދީގެ ވެރިރަށަށް އަމާޒުކޮށް ފޮނުވާލި އެފަދަ ފުރަތަމަ ހަމަލާއެވެ. ނަމަވެސް ސައުދީގެ އެއާ ޑިފެންސުން ވަނީ އެ ދެ މިސައިލް ހަމަލާ ވެސް ނާކާމިޔާބު ކޮށްލައިފައެވެ.
އެ ހަމަލާ ކުށްވެރިކޮށް ފޮރިން މިނިސްޓްރީން ނެރުނު ބަޔާނެއްގައި ބުނީ، ދިވެހި ސަރުކާރުން އަބަދުވެސް އޮންނާނީ ސައުދީ ސަރުކާރާއި އެގައުމުގެ ރައްޔިތުންނާއެކުގައި ކަމަށެވެ. އަދި ޓެރަރިޒަމާ ދެކޮޅަށް ސައުދީން ކުރަމުންދާ ވަރުގަދަ މަސަކަތް ފާހަގަކޮށް، އެކަމުގައި އެއްބާރުލުން ދެމުން ގެންދާނެ ކަމަށް ބުނެފައިވެއެވެ.
ފޮރިން މިނިސްޓްރީގެ ބަޔާނުގައި އިތުރަށް ބުނެފައިވަނީ، މިއަދު ދިންފަދަ ޓެރަރިޒަމްގެ އަމަލުތަކުގެ ސަބަބުން ސަރަހައްދުގައި ހިންގަމުންދާ ހަމަނުޖެހުންތަކަށް ސުލްހަ ގެނައުމަށް ކުރަމުންދާ މަސައްކަތްތަކަށް ނުރަނގަޅު އަސަރު ކުރާނެ ކަމަށެވެ.
ހާއްސަކޮށް ކޮވިޑް 19 ވަބާއާ ކުރިމަތިލަމުންދާ މިފަދަ އުދަނގޫ ދަނޑިވަޅެއްގައި މުޅި ދުނިޔެ ގުޅިގެން މަސައްކަތް ކުރަންޖެހޭ ކަމަށް ބަޔާނުގައި ބުނެފައިވެއެވެ
ރޯދަ 28، އެސްޓީއޯ ރޯދަ ބާޒާރު: ދިވެހި ކަރާ މަދުވެ އަގު އުފުލިއްޖެ
ހެޔޮ އަމަލުތައް ކުރުން މަތީ ދެމިތިބެން ޖެހޭ، ކުރެވުނު އަމަލަކުން ސުވަރުގެ ޔަގީންވީކަމަށް ދެކިގެން ނުވާނެ: ހުތުބާ
ރައީސްގެ ނިންމެވުމާ އެއްގޮތަށް މަތީ ތައުލީމަށް ދޫކުރާ ލޯނުތަކުގެ އިދާރީ ފީ ކަނޑާލައިފި
ފަގީރުންގެ ދަފްތަރުގައި ހިމެނޭ އެންމެންނަށް އެއް ހަމައަކުން ޒަކާތް ބަހަނީ، ކޮންމެ މީހަކަށް 4500 ރުފިޔާ
