ބަންދު ދުވަސްތަކުގައި މަގު ބަންދު ކުރުމުގެ ހުއްދައާއި މަގުމަތީ މަސައްކަތްކުރުމުގެ ހުއްދަ ދޫކުރާނީ ދުވާލު

ސަރުކާރު ބަންދު ދުވަސްތަކުގައި މާލޭ ސިޓީ ކައުންސިލްގެ އާންމު ހިދުމަތްތަކާ ބެހޭ ބައިން ކުރިން ދޫކުރަމުން ގެންދިޔަ ރޭގަނޑު މަގު ބަންދުކޮށްގެން ކުރާ މަސައްކަތުގެ ހުއްދަ ދެން ދޫކުރާނީ ދުވާލު ކަމަށް އެ ކައުންސިލުން ބުނެފިއެވެ.

ކޮވިޑް 19 އާ ގުޅިގެން ސަރުކާރުން ވަނީ އިތުރު އެއް ހަފްތާއަށް ސަރުކާރު ބަންދުކުރުމަށް ނިންމައިފައެވެ. އެހެންކަމުން މިމަހުގެ 29 ވަނަ ދުވަހުން ފެށިގެން އަންނަ މަހުގެ ހަތަރުވަނަ ދުވަހުގެ ނިޔަލަށް ސަރުކާރުގެ އޮފީސްތައް ބަންދުވާނެއެވެ.

މަގު ބަންދު ކުރުމުގެ ހުއްދައާއި މަގުމަތީ މަސައްކަތް ކުރުމުގެ ހުއްދަ އާއި ބޯޑު ދޫކުރުން އަދި ބަލައިގަތުމަށް ހަމަޖެހިފައިވާ ގޮތް:

ސިޓީ ކައުންސިލުން ބުނީ މަތީގައިވާ ހުއްދަތަކަށް ބޯޑު ދޫކުރުން، މަސައްކަތް ކުރުމަށް ހަމަޖެހިފައިވާ ދުވަހުގެ ހެނދުނު 08:00 އިން މެންދުރު 12:00 އަށް، އަދި ބޯޑު ބަލައިގަތުން ރޭގަނޑު 8:00 އިން ރޭގަނޑު 10:00 އަށް ކުރިއަށްދާނެ ކަމަށެވެ.