އިދިކޮޅު ޕީއެންސީގެ ރައީސް އަބްދުއްރަހީމް އަބްދުﷲ (އަދުރޭ)އާ ބަރާބަރަށް ފޯނުން ވާހަކަދެކެވޭ ކަމަށް ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު ވިދާޅުވެއްޖެއެވެ.
ދަރުބާރުގޭގައި މިއަދު ބޭއްވި ނޫސްވެރިންގެ ބައްދަލުވުމުގައި ވާހަކަފުޅުދައްކަވަމުން ރައީސް ވިދާޅުވީ އިދިކޮޅު ފަރާތްތަކުގެ ލީޑަރުންނާ ފޯނުން ގުޅޭ ކަމަށާއި އެކަމަކު މިދޭތެރެއިން އަބްދުއްރަހީމް ކުރެއްވި ދެ ކޯލެއް ނުނެގި ދިޔަ ކަމަށެވެ.
"އަބްދުއްރަހީމަކީ ބަރާބަރަށް އަޅުގަނޑާ ގުޅައި ވާހަކަދައްކަމުންގެންދޭ. މިދިޔަ ދެ ދުވަހު އަޅުގަނޑަށް އެބައޮތް ދެ މިސް ކޯލް. އަޅުގަނޑަށް ނުނެގިއްޖެއްޔާ ވެސް ފަހުން ގުޅަން. އެހެންވީމާ އަޅުގަނޑާ ބަރާބަރަށް އެބޭފުޅުންނާ ވާހަކަދެއްކޭ،" އެމަނިކުފާނު ވިދާޅުވިއެވެ.
ކޮވިޑް 19ގެ މި ހާލަތާ ގުޅިގެން ޖަލުގައި ހުކުމް ތަންފީޒުކުރައްވަމުންގެންދަވާ ކުރީގެ ރައީސް އަބްދުﷲ ޔާމީން އަބްދުލްޤައްޔޫމް ގެއަށް ބަދަލުކޮށްދެއްވާނެތޯ ނޫސްވެރިޔަކު ކުރި ސުވާލަކަށް ޖަވާބުދެއްވަމުން ރައީސް ސޯލިހު ވިދާޅުވީ ޖަލުގައި ތިބި ފަރާތްތަކަށް މައާފު ދިނުމުގެ އިހުތިޔާރު އޮންނަނީ ގާނޫނުގެ ތެރެއިން ވަކި އުސޫލެއްގެ ދަށުން ކަމަށާއި ވަކި މީހަކަށް ވަކިގޮތެއް ހެދުމުގެ ވިސްނުމެއް ނެތް ކަމަށެވެ.
ރޯދަ 28، އެސްޓީއޯ ރޯދަ ބާޒާރު: ދިވެހި ކަރާ މަދުވެ އަގު އުފުލިއްޖެ
ހެޔޮ އަމަލުތައް ކުރުން މަތީ ދެމިތިބެން ޖެހޭ، ކުރެވުނު އަމަލަކުން ސުވަރުގެ ޔަގީންވީކަމަށް ދެކިގެން ނުވާނެ: ހުތުބާ
ރައީސްގެ ނިންމެވުމާ އެއްގޮތަށް މަތީ ތައުލީމަށް ދޫކުރާ ލޯނުތަކުގެ އިދާރީ ފީ ކަނޑާލައިފި
ފަގީރުންގެ ދަފްތަރުގައި ހިމެނޭ އެންމެންނަށް އެއް ހަމައަކުން ޒަކާތް ބަހަނީ، ކޮންމެ މީހަކަށް 4500 ރުފިޔާ
