ކޮވިޑް 19 އަށް ޕޮޒިޓިވްވި މީހުން ފެނުނު ތިން ރިސޯޓުގައި ތިބި ފަތުރުވެރިންގެ ތެރެއިން މިހާތަނަށް 246 މީހަކު އެމީހުންގެ ގައުމުތަކަށް އަނބުރާ ފުރުވާލާފައިވާ ކަމަށް ނޭޝަނަލް އިމަޖެންސީ އޮޕަރޭޝަން ސެންޓަރުން ބުނެފިއެވެ.
ދަރުބާރުގޭގައި މިރޭ ކުރިއަށްގެންދިޔަ ނޫސްވެރިންގެ ބައްދަލުވުމުގައި ކޮވިޑް 19ގެ މައުލޫމާތު ދިނުމަށް ސަރުކާރުން ކަނޑައަޅާފައިވާ ތަރުޖަމާނު މަބްރޫކް އަބްދުލްއަޒީޒް ވިދާޅުވީ، ކުރެއްދޫ އައިލެންޑް ރިސޯޓުން 104 ފަތުރުވެރިން، ސޭންޑީޒް ބަތަލާ އައިލެންޑް ރިސޯޓުން 15 އަދި ކުރަމަތި އައިލެންޑް ރިސޯޓުން 127 ޓޫރިސްޓަކު މިހާތަނަށް އަނބުރާ ފޮނުވާލާފައިވާ ކަމަށެވެ.
އެ ތިން ރިސޯޓު ވަނީ ރެއިން ފެށިގެން ހުޅުވާލައިފައެވެ.
މަބްރޫކް ވިދާޅުވީ، އެ ރިސޯޓުތަކުން މީހުން ބާލަނީ ނުވަތަ ފުރުވައިލަނީ "އެގްޒިޓް ސްކްރީނިން" ހެދުމަށް ފަހު ކަމަށެވެ. އަދި އެ ތިން ރިސޯޓުގައި ހާއްސަ ޑޮކްޓަރުންގެ ޓީމެއް ހަރަކާތްތެރިވަމުން އަންނަ ކަމަށް އޭނާ ވިދާޅުވި އެވެ.
އެ ޑޮކްޓަރުން ކުރަމުން ގެންދާ މައިގަނޑު މަސައްކަތަކީ ހައި ރިސްކް އަދި ލޯ ރިސްކް މީހުން ދެނެގަތުން ކަމަށް ވެސް އޭނާ ވިދާޅުވިއެވެ.
މަބްރޫކް ވިދާޅުވި ގޮތުގައި، ކުރެއްދޫ އާއި ބަތަލާ އަދި ކުރަމަތި ރިސޯޓުގައި ހަރަކާތްތެރިވާ ޑޮކްޓަރުން ގެންދަވަނީ "ހައި ރިސްކް" އަދި "ލޯ ރިސްކް" ވަޒަން ކުރުމަށް ފަހު އެވެ.
ރާއްޖެ އިން މިހާތަނަށް ކޮވިޑް 19އަށް ޕޮޒިޓިވްވެފައިވަނީ އަށް މީހެކެވެ. އެ އެންމެންނަކީ ވެސް ބިދޭސީންނެވެ.
ރޯދަ 28، އެސްޓީއޯ ރޯދަ ބާޒާރު: ދިވެހި ކަރާ މަދުވެ އަގު އުފުލިއްޖެ
ހެޔޮ އަމަލުތައް ކުރުން މަތީ ދެމިތިބެން ޖެހޭ، ކުރެވުނު އަމަލަކުން ސުވަރުގެ ޔަގީންވީކަމަށް ދެކިގެން ނުވާނެ: ހުތުބާ
ރައީސްގެ ނިންމެވުމާ އެއްގޮތަށް މަތީ ތައުލީމަށް ދޫކުރާ ލޯނުތަކުގެ އިދާރީ ފީ ކަނޑާލައިފި
ފަގީރުންގެ ދަފްތަރުގައި ހިމެނޭ އެންމެންނަށް އެއް ހަމައަކުން ޒަކާތް ބަހަނީ، ކޮންމެ މީހަކަށް 4500 ރުފިޔާ
