އޭޕްރީލް މަހުގެ ހަތަރުވަނަ ދުވަހު ބާއްވަން ހަމަޖައްސާފައިވާ ލޯކަލް ކައުންސިލް އިންތިހާބާއި އަންހެނުންގެ ތަރައްގީއަށް މަސައްކަތްކުރާ ކޮމެޓީގެ އިންތިހާބު ފަަސްކޮށްދިނުމަށް މޯލްޑިވްސް ރީފޯމް މޫމެންޓް (އެމްއާރްއެމް)އިން އިލެކްޝަން ކޮމިޝަނުގައި އެދިއްޖެއެވެ.
އެމްއާރްއެމްގެ ނައިބު ރައީސް އާމިނަތު ނާދިރާ ސޮއި ކުރައްވައި އިލެކްޝަން ކޮމިޝަންގެ ރައީސް އަހުމަދު ޝަރީފަށް މިއަދު ފޮނުއްވި ސިޓީގައި ވަނީ ކޮވިޑް 19އަށް ރާއްޖެއިން މިހާތަނަށް އަށް މީހަކު ޕޮޒިޓިވް ވެ އެ ބައްޔަށް އިތުރު ބަޔަކު ޓެސްޓް ކުރަމުން އަންނަ މި ދަނޑިވަޅުގައި އެ ދެ އިންތިހާބު ބޭއްވުމަކީ އެންމެ ރައްކާތެރި ގޮތް ނޫން ކަމަށެވެ.
އެގޮތުން ދައުލަތުން އެތައް މިލިއަން ރުފިޔާއެއް ހަރަދުކޮށްގެން ބާއްވާ މި ދެ އިންތިހާބުގައި ވޯޓުލުމަށް އެކަށޭނެ އަދަދަކަށް ރައްޔިތުން ނުނިކުމެ، އިންތިހާބަކީ ރައްޔިތުންގެ އެއްބާރުލުން ނުލިބޭ މާލީ ގޮތުން ވެދާނެ އިސްރާފަކަށް އެ ޕާޓީން ދެކޭ ކަމަށް ސިޓީގައި ވެއެވެ.
މީގެ އިތުރުން އިންތިހާބުގައި ވާދަކުރާ ކެންޑިޑޭޓުންނަށް ގާނޫނު އަސާސީން ލިބިފައިވާ ތާއީދު ހޯދުމުގެ ހައްގު ލިބިގަތުމަށްވެސް ކޮވިޑް 19އާ ގުޅިގެން ހުރަސްތަކެއް އެޅޭކަމަށް ސިޓީގައި ބުނެފައި ވެއެވެ.
ކައުންސިލް އިންތިހާބާއި އަންހެނުންގެ ތަރައްގީއަށް މަސައްކަތްކުރާ ކޮމެޓީގެ އިންތިހާބު ފަސްކުރުމަށް އެމްއާރްއެމުން އެދިފައިވާއިރު އިދިކޮޅު ޕްރޮގްރެސިވް ކޯލިޝަނުންވެސް ވަނީ އިންތިހާބު ފަސްކުރާ ހާލަތެއް މެދުވެރިވެއްޖެ ނަމަ އެކަން ކުރުމަށް އެ ކޯލިޝަނުންވެސް ތާއީދު ކުރާނެ ކަމަށް ބުނެފައެވެ.
ރޯދަ 28، އެސްޓީއޯ ރޯދަ ބާޒާރު: ދިވެހި ކަރާ މަދުވެ އަގު އުފުލިއްޖެ
ހެޔޮ އަމަލުތައް ކުރުން މަތީ ދެމިތިބެން ޖެހޭ، ކުރެވުނު އަމަލަކުން ސުވަރުގެ ޔަގީންވީކަމަށް ދެކިގެން ނުވާނެ: ހުތުބާ
ރައީސްގެ ނިންމެވުމާ އެއްގޮތަށް މަތީ ތައުލީމަށް ދޫކުރާ ލޯނުތަކުގެ އިދާރީ ފީ ކަނޑާލައިފި
ފަގީރުންގެ ދަފްތަރުގައި ހިމެނޭ އެންމެންނަށް އެއް ހަމައަކުން ޒަކާތް ބަހަނީ، ކޮންމެ މީހަކަށް 4500 ރުފިޔާ
