ތ. މަޑިފުށީ ތެޔޮބޯޓެއްގެ މަރާމާތުގައި އުޅުނު މީހެއްގެ ގައިގައި އަލިފާން ރޯވެ ހަށިގަނޑުގެ ބޮޑު ބައެއް ފިހިއްޖެ އެވެ.
މަޑިފުށީ ކައުންސިލްގެ ނައިބު ރައީސް އަހުމަދު އައްބާސް "ވަން އޮންލައިން" އަށް މައުލޫމާތު ދެއްވަމުން ވިދާޅުވީ ތެޔޮބޯޓުގައި މަސައްކަތްކުރަނިކޮށް ގައިގައި އަލިފާން ރޯވެ ފިިހިފައިވަނީ އުމުރުން 50 އަހަރު ފުރިފައިވާ މީހެއްގެ ގައިގައި ކަމަށެވެ.
އެމީހާއަށް މަޑިފުށީ ހެލްތު ސެންޓަރުން މިހާރު ފަރުވާ ދެމުން އަންނަ އިރު ހާދިސާ ހިނގާފައި ވަނީ މިއަދު މެންދުރު ނަމާދު ވަގުތުގައި ކަމަށް އައްބާސް ވިދާޅުވިއެވެ.
ކައުންސިލުގެ ނައިބު ވިދާޅުވީ އެ ހާދިސާ ހިނގާފައި ވަނީ ދެމީހަކު ތެޔޮ ބޯޓެއްގައި މަސައްކަތް ކުރަމުން ގެންދިޔަ ވަގުތު ތެޔޮ ހޮޅިއަކުން ތެޔޮ ބުރައިގެން ކަމަށެވެ.
"އެކަކު ހުރީ ގްރޭންޑަރު ޖައްސައިގެން. އަނެކަކު މަސައްކަތް ކުރަމުން ގެންދިޔައީ ތެޔޮ ހޮޅިން. ގަޔަށް ތެޔޮ ބުރައިގެން އަލިފާން ރޯވީ. ސްޕާކެއް އުފެދިގެން އަސްލު އަލިފާން ރޯވީ،" އައްބާސް ވިދާޅުވިއެވެ.
އޭނާ ވިދާޅުވީ އެ މީހާގެ ބަނޑުން ފެށިގެން ފަޔާ ހަމައަށް އަލިފާން ރޯވެ ފިހިފައިވާ ކަމަށެވެ.
މިހާރު މަސައްކަތް ކުރަމުން އަންނަނީ އެމީހާ މާލެ ގެނައުމަށް ކަމަށް ވެސް އޭނާ ވިދާޅުވިއެވެ.
ރޯދަ 28، އެސްޓީއޯ ރޯދަ ބާޒާރު: ދިވެހި ކަރާ މަދުވެ އަގު އުފުލިއްޖެ
ހެޔޮ އަމަލުތައް ކުރުން މަތީ ދެމިތިބެން ޖެހޭ، ކުރެވުނު އަމަލަކުން ސުވަރުގެ ޔަގީންވީކަމަށް ދެކިގެން ނުވާނެ: ހުތުބާ
ރައީސްގެ ނިންމެވުމާ އެއްގޮތަށް މަތީ ތައުލީމަށް ދޫކުރާ ލޯނުތަކުގެ އިދާރީ ފީ ކަނޑާލައިފި
ފަގީރުންގެ ދަފްތަރުގައި ހިމެނޭ އެންމެންނަށް އެއް ހަމައަކުން ޒަކާތް ބަހަނީ، ކޮންމެ މީހަކަށް 4500 ރުފިޔާ
