މ. މުލީ ރީޖަނަލް ހޮސްޕިޓަލުގެ އޮޕަރޭޝަން ތިއޭޓަރު ތެރޭ ދެޑޮކްޓަރުން މާރާމާރީ ހިންގައިފި
މ. މުލީ ރީޖަނަލް ހޮސްޕިޓަލުގައި މަސައްކަތް ކުރާ އިންޑިއާ ޑޮކްޓަރަކާއި ނޭޕާލް ޑޮކްޓަރަކު މާރާމާރީ ހިންގައިފިއެވެ.
ފުލުހުން ވަނީ "ވަން" އަށް އެކަން ކަށަވަރު ކޮށްދީފައެވެ.
ފުލުހުން ބުނީ މިއަދު ހެނދުނު 9:45 އެހާކަށް ހާއިރު މުލީ ރީޖަނަލް ހޮސްޕިޓަލުގެ އޮޕަރޭޝަން ތިއޭޓަރު ތެރޭގައި ދެ ޑޮކްޓަރެއްގެ މެދުގައި ދެބަސްވުން އުފެދި މާރާމާރީ ހިންގައިގެން އެމައްސަލަ ފުލުހުންނަށް ހުށަހަޅާފައިވާ ކަމަށެވެ. ފުލުހުން ބުނީ އެ މާރާމާރީގައި ދެ ޑޮކްޓަރުންނަށް ވެސް އެކިވަރުގެ އަނިޔާ ލިބިފައިވާ ކަމަށެވެ.
"ވަން" އަށް މައުލޫމާތު ދެއްވަމުން މުލީ ރީޖަނަލް ހޮސްޕިޓަލުގެ މެނޭޖަރު އަހްމަދު ނާފިޒް ވިދާޅުވީ މިއަދު ބަލި މީހެއްގެ ސާޖަރީއެއް ހެދުމަށް ޝެޑިއުލް ކޮށްފައިވާ ކަމަށެވެ. އެހެން ނަމަވެސް އެހާދިސާ ހިނގި ވަގުތު އޭނާ ހޮސްޕިޓަލުގައި ނުއުޅުއްވާތީ އެހާދިސާ ހިނގީ ބަލިމީހާ ސާޖަރީއަށް ވައްދާފައި ވަނިކޮށް ކަމެއް ނުވަތަ ނޫން ކަމެއް އަދި ސާފު ނުވާ ކަމަށް ނާފިޒް ވިދާޅުވިއެވެ.
މާރާމާރީ ހިންގި ދެ ޑޮކްޓަރުން މިހާރު ވަނީ ފުލުހުންގެ ބެލުމުގެ ދަށުގައި ކަމަށް ފުލުހުން ވަނީ ވަން އަށް ކަށަވަރުކޮށްދީފަ އެވެ.
ރޯދަ 28، އެސްޓީއޯ ރޯދަ ބާޒާރު: ދިވެހި ކަރާ މަދުވެ އަގު އުފުލިއްޖެ
ހެޔޮ އަމަލުތައް ކުރުން މަތީ ދެމިތިބެން ޖެހޭ، ކުރެވުނު އަމަލަކުން ސުވަރުގެ ޔަގީންވީކަމަށް ދެކިގެން ނުވާނެ: ހުތުބާ
ރައީސްގެ ނިންމެވުމާ އެއްގޮތަށް މަތީ ތައުލީމަށް ދޫކުރާ ލޯނުތަކުގެ އިދާރީ ފީ ކަނޑާލައިފި
ފަގީރުންގެ ދަފްތަރުގައި ހިމެނޭ އެންމެންނަށް އެއް ހަމައަކުން ޒަކާތް ބަހަނީ، ކޮންމެ މީހަކަށް 4500 ރުފިޔާ
