މަރާލާފައިވާ މީހުންގެ މައްސަލަތައް ބަލާ ކޮމިޝަންގެ ބޭފުޅުންނާ ރައީސް ނަޝީދު ބައްދަލުކުރައްވައިފި
މަރާލާފައިވާ މީހުންނާއި ގެއްލުވާލާފައިވާ މީހުންގެ މައްސަލަތައް ބެލުމަށް ރައީސް އިބްރާހީމް މުހައްމަދު ސޯލިހު އުފައްދާފައިވާ ރިޔާސީ ކޮމިޝަނުގެ ބޭފުޅުންނާ ކުރީގެ ރައީސް މުހައްމަދު ނަޝީދު ބައްދަލުކުރައްވައިފި އެވެ.
މިއަދު އެ ކޮމިޝަންގައި ހިމެނޭ ބޭފުޅުންނާ ރައީސް ނަޝީދު ބައްދަލު ކުރެއްވިއިރު އެ ކޮމިޝަންގެ ޗެއާ ހުސްނުއްސުއޫދު ވެސް ވަނީ އެ ބައްދަލުމުގައި ބައިވެރިވެވަޑައިގެންފައެވެ.
ސުޢޫދު ކުރީން ވިދާޅުވީ އެ ކޮމިޝަނަކީ ރައްޔިތުންގެ ކުރިމަތީގައި ފެއިލްވެފައިވާ ކޮމިޝަނަކަށް ވާން ބޭނުން ނުވާކަމަށެވެ. ކޮމިޝަނުން މައްސަލަތައް ބަލައި ނިންމަން ދެއަހަރު ލިބިފައި ވީނަމަވެސް، އެއަށްވުރެ މާ އަވަހަށް މައްސަލަތަކުގެ ތަހުގީގު ނިންމަވަން މަސައްކަތްކުރައްވާނެ ކަމަށް ވިދާޅުވި އެވެ.
ކޮމިޝަނަކީ ދައުލަތުގެ ބަޖެޓުން ބޮޑު ހަރަދުކޮށްގެން ހިންގާ ކޮމިޝަނެއް ނޫން ކަމަށް ވެސް ސުއޫދު ވިދާޅުވިއެވެ. އޭނާ ވިދާޅުވީ ދެއަހަރުގެ ތެރޭގައި މައްސަލަތައް ކޮޅެއްގައި ޖެހޭނެ ކަމަށާއި، އެކަށީގެންވާ ކާމިޔާބީއެއް ހޯދޭނެ ކަމަށެވެ.
ރައީސުލްޖުމްހޫރިއްޔާގެ ގަރާރަކުން އުފައްދާފައިވާ އެކޮމިޝަނުން ބަލަން ހަމަޖެހިފައިވަނީ 1 ޖެނުއަރީ 2012 ގެ ފަހުން ހިނގާފައިވާ މައްސަލަތަކެވެ.
ރޯދަ 28، އެސްޓީއޯ ރޯދަ ބާޒާރު: ދިވެހި ކަރާ މަދުވެ އަގު އުފުލިއްޖެ
ހެޔޮ އަމަލުތައް ކުރުން މަތީ ދެމިތިބެން ޖެހޭ، ކުރެވުނު އަމަލަކުން ސުވަރުގެ ޔަގީންވީކަމަށް ދެކިގެން ނުވާނެ: ހުތުބާ
ރައީސްގެ ނިންމެވުމާ އެއްގޮތަށް މަތީ ތައުލީމަށް ދޫކުރާ ލޯނުތަކުގެ އިދާރީ ފީ ކަނޑާލައިފި
ފަގީރުންގެ ދަފްތަރުގައި ހިމެނޭ އެންމެންނަށް އެއް ހަމައަކުން ޒަކާތް ބަހަނީ، ކޮންމެ މީހަކަށް 4500 ރުފިޔާ
