އައްޑޫ ސިޓީ ހިތަދޫގައި މިއަދު ދެ ސައިކަލެއް ޖެހި ހިނގި އެކްސިޑެންޓެއްގައި އުމުރުން ދުވަސްވީ މީހަކަށް އަނިޔާވެއްޖެއެވެ.
ފުލުހުން މައުލޫމާތު ދިން ގޮތުގައި އަނިޔާވެފައިވަނީ ސައިކަލު ދުއްވަން އިން 64 އަހަރުގެ މީހަކަށެވެ. އެގޮތުން މި އެކްސިޑެންޓުގައި އޭނާގެ ކަނާތުފައި ބިންދައިގެން ދިއުމުގެ އިތުރުން އެމީހާގެ ނިތްކުރި މަށައިގެން ގޮސްފައިވާ ކަމަށް ފުލުހުން މައުލޫމާތު ދިނެވެ. މި އެކްސިޑެންޓުގައި ސައިކަލު ދުއްވަން އިން އަނެއް މީހާއަށް އެއްވެސް އަނިޔާއެއް ނުލިބޭ ކަމަށް ފުލުހުން މައުލޫމާތު ދެއެވެ.
މި އެކްސިޑެންޓު ހިނގާފައިވަނީ ހިތަދޫ ގާޒީ މަގުން ދެކޮޅަށް ދުއްވާފައި ދިޔަ ސައިކަލެއް އައިކޮޅަށް އަނބުރާލަން އުޅުމުގެ ތެރެއިން އުތުރުން ދެކުނަށް ދުއްވާފައި ދިޔަ ސައިކަލެއްގައި ޖެހިއެވެ. ފުލުހުން ބުނީ މި އެކްސިޑެންޓުގައި ދެ ސައިކަލަށްވެސް އެކިވަރުގެ ގެއްލުން ލިބިފައިވާ ކަމަށެވެ.
ފުލުހުން މައުލޫމާތު ދިން ގޮތުގައި މި އެކްސިޑެންޓުގައި އަނިޔާވި މީހާގެ އަތުގައި ލައިސަންސް އޮތެވެ. ނަމަވެސް އަނެއް ސައިލަކު ދުއްވަން އިން 25 އަހަރުގެ މީހާގެ އަތުގައި ލައިސަންސް ނެތް ކަމަށް ފުލުހުން މައުލޫމާތު ދިނެވެ.
ފުލުހުން އަންނަނީ މި މައްސަލަ ތަހުގީގު ކުރަމުންނެވެ.
ރޯދަ 28، އެސްޓީއޯ ރޯދަ ބާޒާރު: ދިވެހި ކަރާ މަދުވެ އަގު އުފުލިއްޖެ
ހެޔޮ އަމަލުތައް ކުރުން މަތީ ދެމިތިބެން ޖެހޭ، ކުރެވުނު އަމަލަކުން ސުވަރުގެ ޔަގީންވީކަމަށް ދެކިގެން ނުވާނެ: ހުތުބާ
ރައީސްގެ ނިންމެވުމާ އެއްގޮތަށް މަތީ ތައުލީމަށް ދޫކުރާ ލޯނުތަކުގެ އިދާރީ ފީ ކަނޑާލައިފި
ފަގީރުންގެ ދަފްތަރުގައި ހިމެނޭ އެންމެންނަށް އެއް ހަމައަކުން ޒަކާތް ބަހަނީ، ކޮންމެ މީހަކަށް 4500 ރުފިޔާ
