ވޯލްޑް ކަޕް ކޮލިފައިން: ރާއްޖެ 3-1 ގުއާމް (ފުލްޓައިމް)

މެޗުގެ ފުރިހަމަ ވަގުތުގެ ކުޅުން ނިންމާލައިފި. މެޗު ނިމިގެންދިޔައީ 3-1ގެ ނަތީޖާއަކުން ރާއްޖެ ކުރީގައި އޮވެގެން.

90+' ރާއްޖެއިން އަނެއްކާވެސް ލީޑު ފުޅާކޮށްފި. ރާއްޖެއަށް އެ ލަނޑު ކާމިޔާބުކޮށްދިނީ ދަގަނޑޭ. ޕެނަލްޓީ އޭރިއާ ބޭރުން ގުއާމްގެ ކީޕަރު ޖެފްރީ ޖަޔޭ ދިފާއުކުރަން ފޮނުވާލި ބޯޅަ ގޯލުގެ ތެރެއަށް ވަދެފައިވަނީ ދަގަނޑޭގެ ގައިގައި ޖެހިފައި.

82' ދަގަނޑޭ ނަގައިދިން ކޯނަރުން ޕެނަލްޓީ އޭރިއާ ތެރެއިން އަކޫ ފޮނުވާލި ހަމަލާ، ގުއާމްގެ ގޯލާ އަމާޒެއް ނުވި.

ދަގަނޑޭ ފޮނުވާލި ހިލޭ ޖެހުން ގުއާމްގެ ޑިފެންޑަރެއް ބޮލުގައި ޖެހިފައި ކޯނަރަކަށް ބޭރުވެއްޖެ.

81' ސެންޓޭއަށް ކުރި ފައުލަކާ ގުޅިގެން ގުއާމްގެ ޕެނަލްޓީ އޭރިއާ ބޭރުން ރާއްޖެއަށް ހިލޭ ޖެހުމެއް.

80' ރާއްޖޭގެ ފަހު ބަދަލު. ރިޒޭގެ ބަދަލުގައި ކުޅެން ނުކުތީ އަލީ ފާސިރު (ސެންޓޭ).

69' ރާއްޖޭގެ ހާފްގެ ތެރެއިން ޖަސްޓިން ޑޭވިޑަށް ކުރި ފައުލަކާ ގުޅިގެން ހައިޝަމަށް ރީނދޫ ކާޑެއް ދައްކައި، ގުއާމަށް ހިލޭ ޖެހުމެއް ދީފި.

67' ރާއްޖެއިން ބަދަލެއް. ދާދުގެ ބަދަލުގައި ކުޅެން ނުކުތީ ހަސަން ނަޒީމް (ޗޯޓު). އޭނާއަކީ ގައުމީ ޓީމުގެ އެންމެ ހަގު ކުޅުންތެރިޔާ.

61' ރާއްޖެއަށް ފުރުސަތެއް. ހަމްޕު ދިން ބޯޅައަކުން ޕެނަލްޓީ އޭރިއާ ތެރޭ ހުސްކޮށް ހުރެ ރިޒޭ ފޮނުވާލި ހަމަލާ އަމާޒުވީ ގުއާމްގެ ކީޕަރު ޖެފްރީ ޖަޔޭއާ ދިމާއަށް.

58' ގުއާމް އިން ބަދަލެއް. މައިކް ކްރޯލީގެ ބަދަލުގައި ކުޅެން ނުކުތީ ކައިލް ހޯ ހޭލްހޭލް.

ދެވަނަ ހާފަށް ގުއާމް ނުކުތީ ބަދަލަކާއެކު. މާކް ޗާގުއަލަފްގެ ބަދަލުގައި ކުޅެން ނުކުމެފައިވަނީ ޖަސްޓިން ޑޭވިޑް.

52' ގުއާމްގެ ޕެނަލްޓީ އޭރިއާ ބޭރުން ފޭދޫ އިއްބެ ފޮނުވާލި ހަމަލާ ދިޔައީ ގޯލުގެ އަރިމަތީ ދަނޑި ކައިރިން ބޭރަށް.

50' ގުއާމް އިން ލަނޑެއް ޖަހައި، ފަރަގު ކުޑަކޮށްފި. ގުއާމަށް އެ ލަނޑު ކާމިޔާބުކޮށްދިނީ ޖޯން މަޓްކިން. އޭނާ އެ ލަނޑު ކާމިޔާބުކުރީ ރާއްޖޭގެ ޕެނަލްޓީ އޭރިއާ ތެރޭ ހުސްކޮށް ހުރެ ބޮލުން ފޮނުވާލި ހަމަލާއަކުން.

މެޗުގެ ދެވަނަ ހާފުގެ ކުޅުން ފަށައިފި.

މެޗުގެ ފުރަތަމަ ހާފުގެ ކުޅުން ނިންމާލައިފި. ފުރަތަމަ ހާފު ނިމިގެންދިޔައީ 2-0ގެ ނަތީޖާއަކުން ރާއްޖެ ކުރީގައި އޮވެގެން.

43' ރާއްޖެއަށް ފުރުސަތެއް. ރީތި ކުޅުމަކަށްފަހު ހަމްޕު ދިން ބޯޅައަކުން ގުއާމްގެ ޕެނަލްޓީ އޭރިއާ ތެރޭ ހުސްކޮށް ހުރެ ދަގަނޑޭ ފޮނުވާލި ހަމަލާ ދިޔައީ ގޯލުގެ އަރިމަތީ ދަނޑި ކައިރިން ބޭރަށް.

'43 ޕެނަލްޓީ އޭރިއާ ބޭރުން ރިޒޭ ފޮނުވާލި ހަމަލާ، އަމާޒުވީ ގުއާމްގެ ކީޕަރު ޖެފްރީ ޖަޔޭއާ ދިމާއަށް.

37' ރާއްޖެއިން ލީޑު ފުޅާކޮށްފި. ހައިޝަމް ނަގައިދިން ހުރަސް، ގޯލުގެ ތެރެއަށް ވަދެފައިވަނީ ޕެނަލްޓީ އޭރިއާ ތެރޭ ހުރި ގުއާމްގެ ޑިފެންޑަރު ޓްރޭވިސް ނިކްލޯ އަތުން ބައިކޮޅަށް.

34' ދަގަނޑޭ ކުރި ފައުލަކާ ގުޅިގެން އަމިއްލަ ހާފުގެ ތެރެއިން ގުއާމަށް ހިލޭ ޖެހުމެއް.

މެޗުގައި ގުއާމަށް ލަނޑު ޖަހާނެ ރަނގަޅު ފުރުސަތެއް ލިބިފައެއް ނުވޭ.

28' ރާއްޖެއިން ބަދަލެއް. ސަމުއްޓޭއަށް ލިބުނު އަނިޔާއަކާ ގުޅިގެން އޭނާގެ ބަދަލުގައި ކުޅެން ނުކުތީ ހައިޝަމް ހަސަން.

މިއަދުގެ މެޗު ބައްލަވައިލެއްވުމަށް ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހާއި ރައްޔިތުންގެ މަޖިލީހުގެ ރައީސް، ރައީސް މުހައްމަދު ނަޝީދާއި ރައީސުލްޖުމްހޫރިއްޔާގެ ނައިބު ފައިސަލް ނަސީމާއި ޔޫތު މިނިސްޓަރު އަހްމަދު މަހުލޫފު އަދި ޓޫރިޒަމް މިނިސްޓަރު އަލީ ވަހީދު ދަނޑަށް ވަޑައިގެންނެވި.

މިވަގުތު ސަމުއްޓޭއަށް އަނިޔާވެގެން އަންނަނީ ފަރުވާ ހޯދަމުން.

23' ރާއްޖެއިން ލީޑު ހޯދައިފި. ދަގަނޑޭ ނަގައިދިން ކޯނަރަކުން ރާއްޖެއަށް އެ ލަނޑު ކާމިޔާބުކޮށްދިނީ ސަމުއްޓޭ. އޭނާ އެ ލަނޑު ކާމިޔާބުކުރީ ޕެނަލްޓީ އޭރިއާ ތެރޭ ވަރަށް ހުސްކޮށް ހުރެ ބޮލުން ފޮނުވާލި ހަމަލާއަކުން.

ރާއްޖޭގެ މެދުތެރެއިން އެންމެ ރަނގަޅު ކުޅުމެއް އަދި ނުފެނޭ. ފޯވަޑުންނަށް ރަނގަޅު ބޯޅަތަކެއް ސަޕްލައިކޮށްދެވިފައެއް ނުވޭ.

21' ރާއްޖެއަށް ހެދުނު ގޯހަކުން ލިބުނު ބޯޅައަކުން ޕެނަލްޓީ އޭރިއާ ބޭރުން ގުއާމްގެ ޖޯން މެޓްކިން ފޮނުވާލި ހަމަލާ، ރާއްޖޭގެ ގޯލާ އަމާޒުވެފައެއް ނުވޭ.

16' ދާދު ދުރުން ފޮނުވާލި ހަމަލާ ގުއާމްގެ ގޯލާ އަމާޒެއް ނުވި.

ފުރަތަމަ 15 މިނެޓުގެ ކުޅުން ނިމުނު އިރު، ގިނަ ފައުލުތަކެއް ކޮށްފައިވާކަން ފާހަގަކޮށްލެވޭ. ގުއާމްގެ ދެ ކުޅުންތެރިޔަކަށް ވަނީ ރީނދޫ ކާޑެއް ވެސް ދައްކާފައި.

8' ދާދު ބޯޅަ ހިފައިގެން ޕެނަލްޓީ އޭރިއާ ތެރެއަށް ވަދެ، ދަގަނޑޭއަށް ދިން ބޯޅަ ގުއާމްގެ ޑިފެންޑަރުން ދިފާއުކޮށްފި.

ގުއާމްގެ ފުރަތަމަ 11:

ރާއްޖޭގެ ފުރަތަމަ 11:

މެޗުގެ ކުޅުން ފަށައިފި.