ވޯލްޑް ކަޕް ކޮލިފައިން: ރާއްޖެ 1-2 ފިލިޕީންސް (ފުލްޓައިމް)

15 Nov 03:58

މެޗު ނިމިގެންދިޔައީ 2-1ގެ ނަތީޖާއަކުން ފިލިޕީންސް ކުރީގައި އޮވެގެން.

15 Nov 03:55

90' ރާއްޖެއިން ލަނޑެއް ކާމިޔާބުކޮށް، ފަރަގު ކުޑަކޮށްފި. ދަގަނޑޭ ދިން ބޯޅައަކުން ރާއްޖެއަށް އެ ލަނޑު ކާމިޔާބުކޮށްދިނީ ދާދު.

15 Nov 03:42

15 Nov 03:40

'79 ރާއްޖެއަށް ފުރުސަތެއް. ޕެނަލްޓީ އޭރިއާ ތެރެއިން ދަގަނޑޭ ފޮނުވާލި ބާރު ހަމަލާ ދިޔައީ، ފިލިޕީންސް ގޯލުގެ ހުރަސްދަނޑި މަތިން ބޭރަށް.

15 Nov 03:37

'76 ރާއްޖެއަށް ހުސް ފުރުސަތެއް. ފޭދޫ އިއްބެ ދިން ބޯޅައަކުން ޕެނަލްޓީ އޭރިއާ ތެރެއިން ރިޒޭ ފޮނުވާލި ހަމަލާ ފިލިޕީންސްގެ ކީޕަރު ނީލް ލިއޮނާޑް އެތެރިޖް ވަނީ ހުޝިޔާރުކަމާއެކު މަތަކޮށްފައި.

15 Nov 03:35

15 Nov 03:34

'73 - ރާއްޖެއިން ބަދަލެއް. އައިސަމްގެ ބަދަލުގައި ކުޅެން ނުކުތީ އަހްމަދު ރިޒުވާން (ރިޒޭ).

15 Nov 03:31

'68 - ފިލިޕީންސް އިން އިތުރު ލަނޑެއް ޖަހައި ލީޑު ހޯދައިފި. ރާއްޖެއަށް ބޯޅަ ރަނގަޅަށް ދިފާއުނުކުރެވުމާއެކު ޕެނަލްޓީ އޭރިއާ ތެރެއިން ލިބުނު ފުރުސަތަކުން ފިލިޕީންސަށް އެ ލަނޑު ކާމިޔާބުކޮށްދިނީ ޖޯން ޕެޓްރިކް ސްޓްރޯސް. އެ ލަނޑުގެ ކުރިން އިއާން ރަމްސޭ އާއި ޕެޓްރިކް ރީޝެލްޓް ހަމަލާއެއް ފޮނުވާލި ނަމަވެސް، އެ ދެ ހަމަލާ ވެސް އަމާޒުވީ ރާއްޖޭގެ ގޯލުގެ ހުރަސް ދަނޑިއަށް. ސްޓްރޯސް ލަނޑު ޖެހީ ލިބުނު ރީބައުސް ބޯޅައިން.

15 Nov 03:26

15 Nov 03:25

ފިލިޕީންސް އިން ބަދަލެއް. ލޫކް ވުޑްލޭންޑްގެ ބަދަލުގައި ކުޅެން ނުކުތީ އެންޖެލް ގުއިރާޑޯ.

15 Nov 03:24

63' - ރާއްޖެއިން އިތުރު ބަދަލެއް. އަސައްކޮގެ ބަދަލުގައި ކުޅެން ނުކުތީ އަލީ އަޝްފާގު (ދަގަނޑޭ).

15 Nov 03:23

63' - ރާއްޖެއިން ބަދަލެއް. ސެންޓޭގެ ބަދަލުގައި ކުޅެން ނުކުތީ ހަސަން ނާއިޒް (ދާދު).

15 Nov 03:21

15 Nov 03:20

15 Nov 03:19

'59 - ފިލިޕީންސް އިން ބަދަލެއް. ޑައިސޫކޭ ސަޓޯގެ ބަދަލުގައި ކުޅެން ނުކުތީ ކާޓް ޑިޒޮން.

15 Nov 03:18

'58 - ރާއްޖެއަށް ލިބުނު ހިލޭ ޖެހުމުން ސެންޓޭ ފޮނުވާލި ހަމަލާ ފިލިޕީންސްގެ ގޯލާ އަމާޒެއް ނުވި.

15 Nov 03:13

'56 - ފިލިޕީންސް އިން ލަނޑެއް ޖަހައި ލީޑު ހޯދައިފި. ފިލިޕީންސަށް އެ ލަނޑު ކާމިޔާބުކޮށްދިނީ އިއާން ރަމްސޭ. އޭނާ އެ ލަނޑު ކާމިޔާބުކުރީ ހުސްކޮށް ހުރެ ޕެނަލްޓީ އޭރިއާ ތެރެއަށް ވަނުމަށްފަހު ރާއްޖޭގެ ގޯލުގެ ކަނަކަށް ބޯޅަ ފޮނުވާލައިގެން.

15 Nov 03:12

15 Nov 03:10

'48- ރާއްޖެއަށް ހުސް ފުރުސަތެއް. ކައުންޓާ އެޓޭކެއްގައި އަސައްކޮ ދިން ބޯޅަ ހިފައިގެން ޕެނަލްޓީ އޭރިއާ ތެރެއަށް ވަނުމަށްފަހު ފޭދޫ އިއްބެ ނުރައްކާކުރުމުގެ ކުރިން ފިލިޕީންސްގެ ކީޕަރު ނީލް ލިއޮނާޑް އެތެރިޖް ވަނީ ދިފާއުކޮށްފައި.

15 Nov 03:04

މެޗުގެ ދެވަނަ ހާފުގެ ކުޅުން ފަށައިފި. ކިކް އޯފް ކުރީ ފިލިޕީންސް އިން.

15 Nov 02:49

މެޗުގެ ފުރަތަމަ ހާފުގެ ކުޅުން ނިންމާލައިފި. ފުރަތަމަ ހާފު ނިމިގެންދިޔައީ ދެ ޓީމުންކުރެ އެއްވެސް ޓީމަކަށް ލަނޑެއް ނުޖެހި އެއްވަރުވެގެން.

15 Nov 02:46

ފުރަތަމަ ހާފުގެ އިތުރު ވަގުތުގެ ގޮތުގައި ތިން މިނެޓު.

15 Nov 02:38

'38- ރާއްޖޭގެ ޕެނަލްޓީ އޭރިއާ ތެރެއިން ޕެޓްރިކް ރީޝެލްޓް ފޮނުވާލި ހަމަލާ ރާއްޖޭގެ ގޯލާ އަމާޒެއް ނުވި.

15 Nov 02:34

15 Nov 02:33

'33 - ފިލިޕީންސްގެ ޕެޓްރިކް ރީޝެލްޓް ފޮނުވާލި ޕެނަލްޓީ، ވަރަށް ހުޝިޔާރުކަމާއެކު ކީޕަރު ފައިސަލް މަތަކޮށްފި.

15 Nov 02:32

އެ ޕެނަލްޓީ ދީފައިވަނީ ފިލިޕީންސް އިން ނެގި ކޯނަރެއް ދިފާއުކުރަން އުޅުމުގެ ތެރޭގައި ޕެނަލްޓީ އޭރިއާ ތެރެއިން ހެލްމެޓް އަތުގައި ޖެހުމުގެ ސަބަބުން.

15 Nov 02:31

'31- ފިލިޕީންސަށް ޕެނަލްޓީއެއް.

15 Nov 02:31

'30- ފިލިޕީންސަށް ހުސް ފުރުސަތެއް. ޕެނަލްޓީ އޭރިއާ ތެރެއަށް ވަނުމަށްފަހު، ޕެޓްރިކް ރީޝެލްޓް ފޮނުވާލި ހަމަލާ އަކޫ ވަނީ ވަރަށް ހުޝިޔާރުކަމާއެކު ދިފާއުކޮށްފައި.

15 Nov 02:29

'28- ޕެނަލްޓީ އޭރިއާ ތެރެއިން ސެންޓޭ ފޮނުވާލި ހަމަލާ ގޯލާ އަމާޒެއް ނުވި. އޭގެ ކުރިން ފޭދޫ އިއްބެ ދިން ބޯޅަ، ފިލިޕީންސްގެ ޕެނަލްޓީ އޭރިއާ ތެރެއިން ހަމްޕުއަށް ރަނގަޅަށް ކޮންޓްރޯލް ކުރެވިފައެއް ނުވޭ.

15 Nov 02:27

'26- ކުރޯ ނަގައިދިން ހުރަސް ނުރައްކާވުމުގެ ކުރިން ފިލިޕީންސްގެ ޕެނަލްޓީ އޭރިއާ ތެރެއިން އެޓީމުގެ ޑިފެންޑަރުން ވަނީ ދިފާއުކޮށްފައި.

15 Nov 02:25

15 Nov 02:24

އަކޫގެ ފައުލަކާ ގުޅިގެން އޭނާއަށް ރީނދޫ ކާޑެއް ދައްކައިފި. އަކޫގެ އުޅަބޮށިން ޖެހި ފިލިޕީންސްގެ ޖޯން ޕެޓްރިކް ސްޓްރޯސްގެ ބޯ ވަނީ ފަޅައިގެން ގޮސްފައި.

15 Nov 02:23

15 Nov 02:21

20' ރާއްޖެއަށް ފުރުސަތެއް. ހަމްޕު ދިން ބޯޅައަކުން ފިލިޕީންސްގެ ޕެނަލްޓީ އޭރިއާ ތެރެއިން ފޭދޫ އިއްބެއަށް ނުރައްކާކުރެވިފައެއް ނުވޭ. އެ ބޯޅަ ފިލިޕީންސްގެ ކީޕަރު ނީލް ލިއޮނާޑް އެތެރިޖް ވަނީ ހޯދާފައި.

15 Nov 02:20

15' ފިލިޕީންސަށް ފުރުސަތެއް. ރާއްޖޭގެ ޕެނަލްޓީ އޭރިއާ ތެރެއިން އިއާން ރަމްސޭއަށް ފުރުސަތެއް ލިބުނު ނަމަވެސް، ހުރަސްވެގެން އައި ބޯޅަ އޭނާގެ ފައިގައި ލައްވާލައިފައެއް ނުވޭ.

15 Nov 02:17

15 Nov 02:16

15 Nov 02:15

މި މެޗު ބައްލަވައިލެއްވުމަށް ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހާއި ރައްޔިތުންގެ މަޖިލީހުގެ ރައީސް، ރައީސް މުހައްމަދު ނަޝީދު ދަނޑަށް ވަޑައިގެންނެވި.

15 Nov 02:13

12' ރާއްޖެއަށް ފުރުސަތެއް. ފޭދޫ އިއްބެ ދިން ބޯޅައަކުން ހަމްޕު، ޕެނަލްޓީ އޭރިއާ ބޭރުން ފޮނުވާލި ބާރު ހަމަލާ ފިލިޕީންސްގެ ޑިފެންޑަރެއް ގައިގައި ޖެހި ވަނީ ބްލޮކްވެފައި.

15 Nov 02:09

ފިލިޕީންސްގެ ފުރަތަމަ 11:

ނީލް ލިއޮނާޑް އެތެރިޖް - ގޯލްކީޕަރު
އަލްވާރޯ ސިލްވާ
ކާލޮސް އަލްބާޓޯ ޑި މުރްގާ
ޖޯން ޕެޓްރިކް ސްޓްރޯސް
އިއާން ރަމްސޭ
ލޫކް ވުޑްލޭންޑް
ޑައިސޫކޭ ސަޓޯ
މިކެލް ޖަސްޓިން ބާސް
ސްޓެފަން ޝްރޮކް - ކެޕްޓަން
ޕެޓްރިކް ރީޝެލްޓް
މާކް ހާޓްމަން

15 Nov 02:07

މެޗުގައި ރާއްޖޭގެ ތަޖުރިބާކާރު ފޯވަޑް އަދި ރާއްޖޭގައި އުފެދުނު އެންމެ މޮޅު ކުޅުންތެރިޔާ އަލީ އަޝްފާގު (ދަގަނޑޭ) އިނީ ބެންޗުގައި. ބެލެވޭ ގޮތުގައި ސީރިއާ މެޗެކޭ އެއްގޮތަށް ދަގަނޑޭ ފަށާނީ ދެވަނަ ހާފުގައި.

15 Nov 02:06

ރާއްޖޭގެ ފުރަތަމަ 11:

އަހްމަދު ނޫމާން (ހެލްމެޓް)
ހުސައިން ސިފާއު ޔޫސުފް (ކުރޯ)
އަލީ ފާސިރު (ސެންޓޭ)
އައިސަމް އިބްރާހިމް
އަސަދުﷲ އަބްދުﷲ (އަސައްކޮ)
ހަމްޒާ މުހައްމަދު (ހަމްޕު)
އަކްރަމް އަބްދުލްޤަނީ (އަކޫ) - ކެޕްޓަން
އިބްރާހިމް މަހުދީ ހުސައިން (ފޭދޫ އިއްބެ)
ހައިޝަމް ހަސަން
މުހައްމަދު ފައިސަލް - ގޯލްކީޕަރު
ހުސައިން ނިހާން (ނިހާޓް)

15 Nov 02:03

މެޗުގެ ކުޅުން ފަށައިފި.

ވޯލްޑް ކަޕް ކޮލިފައިންގައި ރާއްޖެއާއި ފިލިޕީންސް ބައްދަލުކުރާ މެޗުގެ ލައިވް ކަވަރޭޖަށް މަރުހަބާ!

މިއަދު ހަވީރު 4:00ގައި ގައުމީ ފުޓުބޯޅަ ދަނޑުގައި ކުޅޭ އެ މެޗަށް ދެ ޓީމު ނުކުންނަ އިރު:

ރާއްޖެ އޮތީ "ގްރޫޕު އޭ"ގެ ހަތަރުވަނައިގައި. ރާއްޖެއަށް ތިން މެޗުން ލިބިފައިވަނީ ތިން ޕޮއިންޓް.
ފިލިޕީންސް އޮތީ ގްރޫޕުގެ ތިންވަނައިގައި. ފިލިޕީންސަށް ތިން މެޗުން ލިބިފައިވަނީ ހަތަރު ޕޮއިންޓް.