ރާއްޖޭގައި ހިންގަމުން އަންނަ އަމިއްލަ ކޮލެޖެއް ކަމަށްވާ އެވިޑް ކޮލެޖުގެ ހުރިހާ ގޮތަކުން އެންމެ މޮޅު ދަރިވަރަކަށްދޭ އެކޮލެޖުގެ ޗެއާމަންސް ޑައިމަންޑް އެވޯޑް ފާތިމަތު އުފާ ޝާކިރު ހޯދައިފިއެވެ.
ދަރުބާރުގޭގައި ރޭ ބޭއްވި އެވިޑް ކޮލެޖުގެ ދަސްވެނިވުމުގެ ރަސްމިއްޔާތުގައި އުފާއާ އެވޯޑު ހަވާލުކޮށްދެއްވީ އެ ކޮލެޖުގެ ބާނީ އަދި ޗެއާމަން އަބްދުﷲ މުސްތާގު ރަޝާދެވެ. އުފާއަކީ އެސޯސިއޭޓް ޑިގްރީ އިން އާރލީ ޗައިލްޑްހުޑް އެޑިއުކޭޝަން ފުރިހަމަކުރި ދަރިވަރެކެވެ.
އުފާއަށް އެވޯޑުގެ އިތުރުން ފައިސާގެ އިނާމެއްގެ ގޮތުގައި 5000 ރުފިޔާ ވެސް ދީފައިވެއެވެ. އުފާއަކީ ޗެއާމަންސް ޑައިމަންޑް އެވޯޑުގެ އިތުރުން ޓޮޕް އެޗީވާސް އެވޯޑާއި ޗެއާމަން އެވޯޑު ވެސް ހާސިލުކުރި ދަރިވަރެކެވެ.
މިއަހަރުގެ ޓޮޕް އެޗީވާސް އެވޯޑު 17 ދަރިވަރަކު ހާސިލުކުރިއެވެ. އަދި ޗެއާމަން އެވޯޑު 11 ދަރިވަރަކު ހާސިލުކުރިއެވެ. ޗެއާމަން އެވޯޑު ހާސިލުކުރި އެ 11 ދަރިވަރުންނަކީ ޓޮފް އެޗީވާސް އެވޯޑު ވެސް ހާސިލުކުރި ދަރިވަރުންނެވެ.
ޗެއާމަން އެވޯޑު ހާސިލުކުރި ދަރިވަރުން:
- ޝަޒްމީނާ ޒިހްނީ، ޑިޕްލޮމާ އިން އޮފީސް މެނޭޖްމަންޓް
- ގަމަރިއްޔާ އަލީ، ޑިޕްލޮމާ އިން ޓީޗިން ޕްރައިމަރީ
- ރިފާއަތު ފަރީދު، މާސްޓާސް އޮފް ޓީޗިން ޕްރައިމަރީ
- ހަސަން މަސްރޫރު، ޑިޕްލޮމާ އިން ޕްރޮޖެކްޓް މެނޭޖްމަންޓް
- އާއިޝަތު ސާޖިޔާ، އެސޯސިއޭޓް ޑިގްރީ އިން ހިއުމަން ރިސޯޓް މެނޭޖްމަންޓް
- ނުހާ އަނީސް، ޑިޕްލޮމާ އިން ބިޒްނަސް އެޑްމިނިސްޓްރޭޝަން
- ނާޒިޔާ މުހައްމަދު، ޑިޕްލޮމާ އިން އޮފީސް މެނޭޖްމަންޓް
- މަރިޔަމް ނާޒިޔާ، ސެޓްފިކެޓް 3 އިން ހިއުމަން ރިސޯސް މެނޭޖްމަންޓް
- އާއިޝަތު އަމާނީ އަބްދުއްރަހުމާން، ސެޓްފިކެޓް 4 އިން ބިޒްނަސް އެޑްމިނިސްޓްރޭޝަން
- ފާތިމަތު އުފާ ޝާކިރު، އެސޯސިއޭޓް ޑިގްރީ އިން އާރލީ ޗައިލްޑްހުޑް އެޑިއުކޭޝަން
- އިބްރާހިމް އަލީ، އެސޯސިއޭޓް ޑިގްރީ އިން ޕްރޮޖެކްޓް މެނޭޖްމަންޓް
އެވިޑް ކޮލެޖަށް އެޅި ފިޔަވަޅުތައް އުވާލައިފި
އެމްކިއުއޭ އިން އެކްރެޑިޓް ނުކުރާ ކޯސްތަކެއް ހިންގާ ވާހަކަ އެވިޑުން ދޮގުކޮށްފި
ނައިބްރަޝާދު 30 ސްކޮލަޝިޕާއެކު އެވިޑް ކޮލެޖުގެ ކޯސްތަކަށް ކުރިމަތިލުމަށް ހުޅުވާލައިފި
ވަން ފޮޓޯ: އެވިޑު ކޮލެޖުން ޔުނިވަސިޓީ އޮފް ވެސްޓް ލަންޑަނާއެކު އެއްބަސްވުމެއްގައި ސޮއިކުރުން
