ތަޖުރިބާގެ އަލީގައި އަޅުގަނޑުމެން ފިލާވަޅު ލިބިގަންނަން ޖެހޭ ކަމަށާއި ރާއްޖޭގައި މިހާރެކޭ ވެސް އެއްފަދައިން އޮންނަންވީ ޖުމުހޫރީ ވެރިކަމުގެ ނިޒާމު ކަމަށް އިންތިޚާބީ ރައީސް އިބްރާހީމް މުހައްމަދު ސޯލިހުގެ ތަރުޖަމާނު އަދި މަންޗަންގޯޅި އުތުރު ދާއިރާގެ މެންބަރު މާރިޔާ އަހުމަދު ދީދީ ވިދާޅުވެއްޖެ އެވެ.
މާރިޔާ މިހެން ވިދާޅުވީ ހުރިހާ ދިވެހީންނަށް ޖުމުހޫރީ ދުވަހުގެ ތަހުނިޔާ ފޮނުއްވުމަށް ކުރެއްވި ޓުވީޓެއްގަ އެވެ.
ޖުމުހޫރީ ނިޒާމުގައި އޮންނަނީ ރައްޔިތުންގެ ވެރިކަމެއް ކަމަށާއި އެ ނިޒާމުގައި ރަސްކަލެއްގެ ބަދަލުގައި ރައީސުލްޖުމްހޫރިއްޔާ އަކަށް ވެސް ހުންނަވަނީ ރައްޔިތުން އިންތިޚާބު ކުރާ މީހެއް ކަމަށް މާރިޔާގެ ޓުވީޓުގައި ވަނީ ފާހަގަކުރައްވައިފަ އެވެ.
"ޖުމުހޫރީ ވެރިކަމުގައި އަޅުގަނޑުމެން 50 އަހަރު ހޭދަކޮށްފީމު. އެހެންކަމުން ތަޖުރިބާއިން ފިލާވަޅު ލިބިގަނެ އެކަން އެގޮތުގައި ބާއްވަން ހިންގަވާ!" މާރިޔާގެ ޓުވީޓުގައި ވިދާޅުވެފައިވެ އެވެ.
މާރިޔާ މިހެން ވިދާޅުވި އިރު، ރައީސް ނަޝީދު އިސްވެ ހުންނަވައިގެން މަސައްކަތްކުރައްވަމުން ގެންދަވަނީ ރާއްޖޭގެ ވެރިކަމުގެ ނިޒާމު ބަރުލަމާނީ އަކަށް ބަދަލުކުރައްވަން ކަމުގެ އަޑުތައް ވަނީ ގަދަވެފަ އެވެ. އެމަނިކުފާނު އެމަސައްކަތްޕުޅު ކުރައްވަނީ ބަރުލަމާނީ އަކަށް ވެރިކަން ފުރޮޅައިލައްވައިގެން މަޖިލިސް ތެރެއިން ރާއްޖޭގެ ބޮޑު ވަޒީރު ކަމަށް ވަޑައިގަތުމަށް ކަމަށް ވެސް ސިޔާސީ މަސްރަހު ދިރާސާކުރައްވާ ބައެއް ބޭފުޅުން ގެންދަވަނީ ވިދާޅުވަމުންނެވެ.
ރޯދަ 28، އެސްޓީއޯ ރޯދަ ބާޒާރު: ދިވެހި ކަރާ މަދުވެ އަގު އުފުލިއްޖެ
ހެޔޮ އަމަލުތައް ކުރުން މަތީ ދެމިތިބެން ޖެހޭ، ކުރެވުނު އަމަލަކުން ސުވަރުގެ ޔަގީންވީކަމަށް ދެކިގެން ނުވާނެ: ހުތުބާ
ރައީސްގެ ނިންމެވުމާ އެއްގޮތަށް މަތީ ތައުލީމަށް ދޫކުރާ ލޯނުތަކުގެ އިދާރީ ފީ ކަނޑާލައިފި
ފަގީރުންގެ ދަފްތަރުގައި ހިމެނޭ އެންމެންނަށް އެއް ހަމައަކުން ޒަކާތް ބަހަނީ، ކޮންމެ މީހަކަށް 4500 ރުފިޔާ
