ޕްލާސްޓިކް ފުޅި މަދު ކުރުމުގެ ގައުމީ ކެމްޕެއިނަށް އެއްބާރުލުން ދިނުމުގެ ގޮތުން، ޖުޑީޝަލް ސާވިސް ކޮމިޝަންގެ މުވައްޒަފުން މިއަދު ބިއްލޫރި ފުޅި ބޭނުން ކުރަން ފަށައިފިއެވެ.
ޖޭއެސްސީން ޕްލާސްޓިކް ފުޅީގެ ބަދަލުގައި ބިއްލޫރި ފުޅި ބޭނުން ކުރަން ފެށުމުގެ ގޮތުން، އެ ކޮމިޝަނުގެ މެމްބަރުންނާއި މުވައްޒަފުންނަށް ބިއްލޫރި ފުޅި ހަވާލުކޮށްދެއްވީ ރައްޔިތުންގެ މަޖިލީހުގެ ރައީސް، އަދި ކުރީގެ ރައީސް މުހައްމަދު ނަޝީދެވެ. އަދި އެމަނިކުފާނަށް ބިއްލޫރި ފުޅި ހަވާލުކޮށްދެއްވީ ޖޭއެސްސީގެ ރައީސް އަބްދުﷲ އަރީފެވެ.
ޕްލާސްޓިކްގެ ސަބަބުން ތިމާވެއްޓަށް ކުރާ ނޭދެވޭ އަސަރު ކުޑަކުރުމަށް ބާރު އެޅުވުމަށާއި އާއްމުން އެކަމަށް ހޭލުންތެރިކުރުވުމަށް ޕްލާސްޓިކް ފުޅި މަދު ކުރުމުގެ ގައުމީ ކެމްޕެއިން ފަށާފައިވަނީ މިދިޔަ އަހަރުގެ ޑިސެމްބަރު މަހުގެ 28 ވަނަ ދުވަހުއެވެ. އެ ކެމްޕެއިންގެ ދަށުން އެއް ފަހަރު ބޭނުންކޮށްފައި އެއްލާލެވޭ ނުވަތަ ސިންގަލް-ޔޫސް ޕްލާސްޓިކް މަދުކުރުމަށް މަސައްކަތް ކުރަން ވަނީ ފަށައިފައެވެ.
އެ ކެމްޕެއިނަށް އެއްބާރުލުން ދިނުމުގެ ގޮތުން ރައްޔިތުންގެ މަޖިލިހާއި ސުޕްރީމް ކޯޓާއި ސަރުކާރުގެ ވުޒާރާތަކާއި ބައެއް ކުންފުނިތަކުން ވެސް ވަނީ ޕްލާސްޓިކް ފުޅީގެ ބަދަލުގައި ބިއްލޫރި ފުޅި ބޭނުން ކުރާ ފަށައިފައެވެ.
އެއްފަހަރު ބޭނުންކޮށްފައި އުކާލާ ޕްލާސްޓިކް މަދު ކުރުމަކީ ރައީސް އިބްރާހީމް މުހައްމަދު ސޯލިހުގެ ވެރިކަމުގެ ފުރަތަމަ 100 ދުވަހުގެ ހާއްސަ ވައުދުފުޅެކެވެ.
ރޯދަ 28، އެސްޓީއޯ ރޯދަ ބާޒާރު: ދިވެހި ކަރާ މަދުވެ އަގު އުފުލިއްޖެ
ހެޔޮ އަމަލުތައް ކުރުން މަތީ ދެމިތިބެން ޖެހޭ، ކުރެވުނު އަމަލަކުން ސުވަރުގެ ޔަގީންވީކަމަށް ދެކިގެން ނުވާނެ: ހުތުބާ
ރައީސްގެ ނިންމެވުމާ އެއްގޮތަށް މަތީ ތައުލީމަށް ދޫކުރާ ލޯނުތަކުގެ އިދާރީ ފީ ކަނޑާލައިފި
ފަގީރުންގެ ދަފްތަރުގައި ހިމެނޭ އެންމެންނަށް އެއް ހަމައަކުން ޒަކާތް ބަހަނީ، ކޮންމެ މީހަކަށް 4500 ރުފިޔާ
