ސްޕްރީމް ކޯޓޫގެ ފަނޑިޔާރުކަމަށް ކުރިމަތިލުމުގެ ފުރުސަތު ހުޅުވާލައިފި

އިއްޔެ ސްޕްރީމް ކޯޓުގެ ފަނޑިޔާރު އަބްދުﷲ ދީދީ މަގާމުން ވަކިކުރުމާ ގުޅިގެން ހުސްވެފައިވާ ފަނޑިޔާރުގެ މަގާމަށް ދިވެހިރާއްޖޭގެ ސްޕްރީމް ކޯޓުގެ ފަނޑިޔާރުކަމަށް ކުރިމަތިލުމުގެ ފުރުސަތު ހުޅުވާލައިފިއެވެ.

އެގޮތުން ފަނޑިޔާރުކަމަށް އެދި ހުށަހަޅާ ސިޓީއާއެކު އެމީހެއްގެ ވަނަވަރާއި، އެކްރެޑިޓްކޮށްފައިވާ ތައުލީމީ ސެޓްފިކެޓްތަކުގެ ކޮޕީއާއި، ވަނަވަރުގައި ގާނޫނީ މަސައްކަތް ކުރަންޖެހޭ ވަޒީފާއެއް އަދާކޮށްފައިވާކަަމަށް ބަޔާންކޮށްފައިވާނަމަ އެ ވަޒީފާ އަދާކޮށްފައިވާ ތަންތަނާއި އަދާކުރި ވަޒީފާތަކާ އެ ވަޒީފާތައް އަދާކުރި މުއްދަތު ހިމެނޭ ސަޕޯޓިންގް ޑޮކިއުމެންޓްސް އާއި، ޝަރުއީ ކޯޓުތަކުގައި ވަކާލާތުކުރުމުގެ ހުއްދައިގެ ކޮޕީއާއި، ޕާސްޕޯޓް ސައިޒްގެ ފޮޓޯއެއްގެ އިތުރުން އައިޑިކާޑުގެ ކޮޕީ ހުށަހަޅަން ޖެހޭނެކަމަށް ޖުޑީޝަލް ސަވިސް ކޮމިޝަނުން މައުލޫމާތުދެއެވެ.

މީގެ އިތުރުން ޖޭއެސްސީ އިން ބުނީ ސްޕްރީމް ކޯޓުގެ ފަނޑިޔާރުކަމަށް ކުރިމަތިލާ މީހުންގެ ކިބައިގައި އަންނަނިވި ޝަރުތުތައް ފުރިހަމަވާ ޖެހޭނެކަމުގައެވެ.

1. މުސްލިމަކު ކަމުގައި ވުމާއި، ސުންނަތް ޖަމާއަތުގެ މީހަކަށް ވުން

2. ބުއްދި ހަމައަށް ހުރި މީހަކު ކަމުގައި ވުން

3. ގާނޫނު އަސާސީގެ ދަށުން ނުވަތަ ގާނޫނެއްގެ ދަށުން އިންތިހާބުކޮށްފައިވާ ނުވަތަ އައްޔަން ކޮށްފައިވާ ސިޔާސީ މަގާމެއް ފުރަމުންދާ މީހަކު ކަމުގައި ނުވުން

4. ސިޔާސީ ޕާޓިއެއްގެ މެމްބަރަކު ކަމުގައި ނިވަތަ ސިޔާސީ ޕާޓިއެއްގައި ހަރަކާތްތެރިވާ މީހަކު ކަމުގައު ނުވުން

5. އިސްލާމްދީނުގެ ހައްދެއް ކަނޑއެޅިފައިވާ ކުށެއް، ނުވަތަ ހިޔާނާތުގެ ކުށެއް، ނުވަތަ ރިޝްވަތުގެ ކުށެއް ކުރިކަން ޝަރީއަތަށް ސާބިތުވެފައިވާ މީހަކު ކަމުގައި ނުވުން

6. ގާނޫނުނލްއުގޫބާތުގެ ދަށުން ކުށެއް ކުރިކަމަށް ނުވަތަ އެއްވެސް ބާވަތެއްގެ ބަދު އަހްލާގީ އަމަލެއް ހިންގިކަމަށް ނުވަތަ ޓެރަރިޒަމްގެ ކުށެއް ކުރިކަމަށް ހުކުމް ކުރެވި އެ ހުކުމް ވޭތުވެދިޔަ ހަތް އަހަރު ދުވަހުގެ ތެރޭގައި ތަންފީޒުކޮށް ނިމިފައިވާ މީހަކުކަމުގައި ނުވުން

7. އަދާކުރަންޖެހޭ ސާބިތު ދަރަންޏޭއް އޮތް މީހަކުނަމަ ހުކުމާ އެއްގޮތައް އެ ދަރަނި އެ ދަރަނި އަދާކުރަމުންދާ މީހެއްކަމުގައި ވުން

8. އުމުރުން 30 އަހަރު ވެފައިވާ މީހަކު ކަމުގައި ވުން

9. އިސްލާމީ ޝާރީއާ ނުވަތަ ގާނޫނު ނުވަތަ ގާނޫނާއި އިސްލާމީ ޝަރިއާގެ ރޮނގުން ފުރަތަމަ ޑިގްޜީ ހާސިްލކޮށްފައިވުން އަދި އެ ސެޓްފިކެޓާކީ ދިވެހިރއްޖޭގެ ކަމާބެހޭ ފަރާތުން އެކްރެޑިޓްކޮށްފައިވާ ސެޓްފިކެޓަކަށް ވުން

10. ފަނޑިޔާރުކަމުގައި ނުވަތަ ގާނޫނީ ވަކީލުކަން ކުރުމުގައި ނުވަތަ މި ދެކަމުގައި މަދުވެގެން ހަތް އަހަރު ދުވަހުގެ ތަޖްރިބާ ލިބިފައިވުން

ފަނޑިޔާރުކަމަށް އެދި ހުށަހަޅާ ސިޓީ ބަލައިގަތުމަށް ހަމަޖައްސާފައިވަނީ 31 އޮގަސްޓް 2019 ވާ ހޮނިހިރުދުވަހުގެ މެންދުރު 14:00 އިން ފެށިގެން 16:00 އަށެވެ. އަދި ފަނޑިޔާރުކަމަށް އެދި ސިޓީ ހުށަހެޅުމުގެ އެންމެ ފަހު ވަގުތަކީ އެކެއް ސެޕްޓެމްބަރު 12:00 ކަމަށް ޖުޑީޝަލް ސާވިސް ކޮމިޝަނުން މައުލޫމާތުދެއެވެ.