ކުރިއަށް އޮތް ހަފްތާގެ ތެރޭގައި ރ. އަތޮޅު މީދޫއަށް ކަރަންޓު ފޯރުކޮށްދިނުމަށް އާ ޖެނެރޭޓަރެއް ގެންގޮސްދޭނެ ކަމުގެ ޔަގީން ކަން ފެނެކަ ކޯޕަރޭޝަނުން ދީފައިވާ ކަމަށް އެ ރަށް ހިމެނޭ މަޑުއްވަރީ ދާއިރާގެ މެމްބަރު މުހައްމަދު އަމީތު ވިދާޅުވެއްޖެ އެވެ.
މީދޫގެ ގެތަކަށް ކަރަންޓުގެ މައްސަލަތައް ކުރިމަތިވެ ރަނގަޅަށް ކަރަންޓުގެ ޚިދުމަތް ނުލިބޭތާ މިހާރު ވަނީ މަހެއްހާ ދުވަސް ވެފައެވެ.
އެރަށުގައި ކަރަންޓުގެ ހިދުމަތް ފޯރުކޮށްދެނީ ފެނަކަ ކޯޕަރޭޝަނުންނެވެ.
އަމީތު މިއަދު ކުރެއްވި ޓްވީޓެއްގައި ވިދާޅުވީ ފެނަކައިގެ އެމްޑީއާ ބައްދަލުކުރެއްވުމުގެ ފުރުސަތު އޭނާއަށް ލިބިވަޑައިނުގެންނެވި ކަމަށާއި ޗީފް ޓެކްނިކަލް އޮފިސަރާ ބައްދަލު ކުރެއްވުމުން މީދޫއަށް ޖެނެރޭޓަރެއް ގެންދާނެ ކަމުގެ ޔަގީންކަން ދީފައިވާ ކަމަށެވެ.
މީދޫއަށް ދިމާވެފައިވާ ކަރަންޓުގެ ދަތިކަމަށް ފެނަކައިން އަވަހަށް ހައްލެއް ހޯދައިދޭނެ ކަމަށް އުއްމީދު ކުރައްވާ ކަމަށް އަމީތު ވިދާޅުވިއެވެ.
މީދޫ ރައްޔިތަކު ބުނިގޮޮތުގައި މިހާރު އެެރަށަށް ކަރަންޓު ދެމުންދަނީ 150 ކިލޯވޯޓުގެ ޖަނަރޭޓަރަކުން ކަމަށާއި އޭގެން ބޭނުންކުރެވެނީ ހަމައެކަނި ޒަރޫރީ ބޭނުންތައް ފުއްދާލުމަށް ކަމަށެވެ. އަދި ރައްޔިތުން ކަނު އަނދިރީގައި ތިބޭތާ ދެ ރޭ ވެއްޖެ ކަމަށްވެސް އޭނާ ވިދާޅުވިއެވެ.
ރޯދަ 28، އެސްޓީއޯ ރޯދަ ބާޒާރު: ދިވެހި ކަރާ މަދުވެ އަގު އުފުލިއްޖެ
ހެޔޮ އަމަލުތައް ކުރުން މަތީ ދެމިތިބެން ޖެހޭ، ކުރެވުނު އަމަލަކުން ސުވަރުގެ ޔަގީންވީކަމަށް ދެކިގެން ނުވާނެ: ހުތުބާ
ރައީސްގެ ނިންމެވުމާ އެއްގޮތަށް މަތީ ތައުލީމަށް ދޫކުރާ ލޯނުތަކުގެ އިދާރީ ފީ ކަނޑާލައިފި
ފަގީރުންގެ ދަފްތަރުގައި ހިމެނޭ އެންމެންނަށް އެއް ހަމައަކުން ޒަކާތް ބަހަނީ، ކޮންމެ މީހަކަށް 4500 ރުފިޔާ
