ދިހަ އަހަރުގެ މުއްދަތަކަށް ހިދުމަތްކުރުމަށްފަހު މަޝްހޫރު ޕްރެޒެންޓަރު އަހްމަދު ހަމީދު އާދަމް ވީޓީވީ އިން ވަކިވެއްޖެއެވެ.
އޯގަސްޓް 5، 2009ގައި ވީޓީވީގައި މަސައްކަތްކުރަން ފެށި ހަމީދު، އެ ޓީވީ ޗެނަލްއާ ވަކިވި ސަބަބެއް އަދި މިހާތަނަށް އޭނާ ހާމަކޮށްފައެއް ނުވެއެވެ.
"ވަން އޮންލައިން"އަށް މައުލޫމާތުދެމުން ހަމީދު ބުނީ ވީޓީވީއާ ދުރަށް ދިޔަ ނަމަވެސް ނޫސްވެރިކަން ހުއްޓާ ނުލާނެ ކަމަށާއި ވީޓީވީ އިން ވަކިވީ އެހެން ތަނަކުން ބޮޑު ހުށަހެޅުމެއް ލިބިގެން ނޫން ކަމަށެވެ. އަދި ކައިރި މުސްތަގުބަލެއްގައި ޓީވީ ޗެނަލަކުން ފެނުން ދުރުކަން ވެސް އޭނާ ފާހަގަކުރިއެވެ.
ހަމީދަކީ ފާއިތުވެދިޔަ އަހަރުތަކުގައި ވީޓީވީގެ އެންމެ އާންމު މޫނެވެ. ވީޓީވީގެ އެތައް ޕްރޮގްރާމުތަކެއް ހުށަހަޅައިދިނުމުގެ އިތުރުން ހަބަރުތައް ގެނެސްދިނުމުގައި ވެސް ހަމީދު ވަނީ ފެނިގެންގޮސްފައެވެ. ހާއްސަކޮށް ކޮންމެ ހުކުރު ދުވަހަކު ގެނެސްދޭ ވީޓީވީގެ "މެހެމާންސާރާ" ޕްރޮގްރާމަކީ ހަމީދުގެ ހާއްސަ ޕްރޮގްރާމެކެވެ.
ރޯދަ 28، އެސްޓީއޯ ރޯދަ ބާޒާރު: ދިވެހި ކަރާ މަދުވެ އަގު އުފުލިއްޖެ
ހެޔޮ އަމަލުތައް ކުރުން މަތީ ދެމިތިބެން ޖެހޭ، ކުރެވުނު އަމަލަކުން ސުވަރުގެ ޔަގީންވީކަމަށް ދެކިގެން ނުވާނެ: ހުތުބާ
ރައީސްގެ ނިންމެވުމާ އެއްގޮތަށް މަތީ ތައުލީމަށް ދޫކުރާ ލޯނުތަކުގެ އިދާރީ ފީ ކަނޑާލައިފި
ފަގީރުންގެ ދަފްތަރުގައި ހިމެނޭ އެންމެންނަށް އެއް ހަމައަކުން ޒަކާތް ބަހަނީ، ކޮންމެ މީހަކަށް 4500 ރުފިޔާ
